من البداية فى موضوع البنوك والربا

[Saif eldien]

من مدة وانا محتار اكتب الموضوع دة ولا لا ومش عارف لية الناس بتجادل كثير فى الموضوع دة وهو موضوع القروض سواء قرض شخصى او قرض سيارة او اى مسمى تانى
يمكن اكون مش فقية فى الدين ولا اقدر اقول افتاء ولا اى شى بس مستغرب ناس تقول حلال وحرام وشوية وشيخ الازهر يقول حلال وشوية يقول حرام وغيرة وغيرة
حتى علماء الدين يقول حلال بس اهم شى معملش كذا وكذا وتجد تحايل كثير فى الامور دة وبنوك تغير اسماء وشركات تغير مسميات موضوع كبير بجد
مش بيقول ان فى بنوك بتشتغل حلال وبنوك بتشتغل حرام ولا هقول بنوك اسلامية وبنوك ربوية ولا هستخدم كل المصطلحات دة
بس تعال ننقائش الموضوع من زوية تانية
اى كان البنك تحت اى مسمة بيعمل اية وبيسوى اية تقول علية حلال وحرام ازاى وانت او حد قريب منك ممكن يكون ولدك او والدتك عامل وديعة فية ويمكن يكون محوش فية وبيطلب باعلى ربح لفلوسة دة ولو ربح الوديعة قل عن 9 % يقول دة مصيبة دة كرثة ويجرى يحول فلوسة فى البوصتة (مكتب البريد ) علشان فائدة اكبر صح
بعد شوية نجد انك عايز تشترى عربية بالتقسيط وعايز تجوز وعايز قرض شخصى وتقول على البنك دة حرام وربا وغيرة طيب مقولتش الكلام دة من الاول وانت عائلتك عملة فية حساب وبتحوش لية كنت فاكر البنك هيثتثمر فلوسك فى اية لما كنت زعلان ان البنك بيديك ربح قليل متقولش انك متعرفش ومقولش ان البنك دة هيشغل فلوسك فى القروض بتاعت المصانع وغيرها مهى برضة قروض
يعنى انت من البداية شريك مع البنك فى موضوع القروض ولو قلت ان عائلتك مبتحوش فى البنك وانك عايز تقسط طيب مهو بردة عائلت عمك او خالك او جدك هما ال محوشين يمكن عائلة مراتك
لو الموضوع ربا يبقى كلنا فى ديرة واحدة
بلاش انا هقول شى تانى شاب وعمرة وصل الى 28 وعايز يتجوز ودة اقل حقوق لية وعايز يجيب شقة يتجوز فيها بتاقسيط او ياخذ فلوس يكمل بيها التزامات زواجة يعمل اية
فى زمان مبداء كنت اسمع مشايخ يقول علية ان الضرورات تبيح المحظورات بس درورات علشان شى كويس انا مش بقول انسان عندة شقتين ولا عندة عربياتان وعايز وحدة كمان انا بتكلم فى البداية وتحقيق اول الشروط زواج ودابة ( عربية )
انا مش بتكلم فى الامور الدينية ولا التفسير لان عارف كويس جدا ان الدين يسر وليس عسر
السؤال من ال ادى البنوك الفلوس دة من ال خلى البنوك تشتغل كدة مش برضة ناس عرفة الحلال والحرام ولا هنعمل زى ال غموا عنيهم فى اخذ الفلوس وفى الدفع فتحوا عنيهم
موضوع بجد يحير
ثانيا لو البنوك قللت الفائدة الى 6% وقللة الضمنات كدة الناس هتقول دة بنوك حلال
للحديث بقية

[dodix]

اعتقد كلامك فى شىء كبير من الصح بس الخوف من ربنا بيخلينا نفكر كويس دة ربنا مش اى حد وعذابه محدش هيحوشنا عنه اتمنى حد فاهم كويس فى الدين يرفع عننا الحيرة دى خصوصا اننا هنتجنن من الموضوع وخد حجم كبير قوى وموصلناش لحل لغاية دلوقتى

[zadgo]

بس برده فيه ناس كتير لا تتعامل مع البنوك نهائيا وانا اعرف استاذ احصاء فى جامعة عين شمس بيحط فلوسه فى البنك عادى لكن مش بياخد فائده وبيدفع مصاريف الحساب وناس كتير بتعمل كده
هى القروض ربا وان كان عندك شك استفتى قلبك
مش معنى كده اننا مش هنتعامل مع البنوك لانه ببساطه مش كل حاجه بنعملها فى حياتنا صح وحلال
وخير الخطائين التوابين

[محمود مصطفى على]

السلام عليكم ورحمه الله وبركاته
فى البدايه احب اشكر استاذ سيف على الموضوع الجميل جدا دة ولكن هناك الكثير الكثير من التعليقات والاستفسارات ابتديها
1- انا فهمت من كلامك يا استاذ سيف اننا من الاساس الى غلطنا واننا احنا الى عملنا البنوك ديه بفلوسنا وانا معاك طبعا بس هل دة مبرر ممكن نقدر نرود بيه على اولدنا او على اى حد بيسئلنا وهنقول ايه لربنا صدقنى والله العظيم مهنقدر تقول اى حاجة هنقوله كل الناس كانت حاطه فلوسها فيه - هنقوله الحكومه حاطه فلوس المرتبات فيها - هنقلوة بقت ضرورة - هنقلو البنوك كلها زى بعضها ومفيش حاجه اسمها بنوك اسلاميه . كل دة كلام احنا بنحاول نقنع نفسنا بيه عشان الى فلوسه فى بنك معين والى واخد قرض معين والى جايب عربيه معرفش من بنك ايه والى يقولك الشيخ الفلانى قال حلال والشيخ الفلانى قال حرام وانت عارف اصلا ومتاكد انه حرام بس عشان الشيخ قال حلال يبقى حلال ونسيت التوجهات السياسيه والفتاوى الغريبه الى بنسمعها كل واحد بيحلل الى هو عايزوة والى بيخدم مصالحوة ويحرم الى هو عايزة وفى النهايه لا يصح الا الصحيح ومن يتقى الله يجعل له مخرجا قال رسول الله ‏ ‏صلى الله عليه وسلم ‏ ‏ ‏إن الحلال بين وإن الحرام بين وبينهما مشتبهات لا يعلمهن كثير من الناس فمن اتقى الشبهات ‏ ‏استبرأ ‏ ‏لدينه ‏ ‏وعرضه ‏ ‏ومن وقع في ‏ ‏الشبهات ‏ ‏وقع في الحرام يعنى الكلام واضح صدقت يا رسول الله

[abdelraof1979]

السلام عليكم ورحمة الله وبركاته
الموضوع ده محتاج دراسة وتأنى قبل الحكم بالربا او بغيره وانا اعيب على بعض الشيوخ انه يحرم دون الدخول فى تفاصيل عمل البنك وفى نفس الوقت يعيب على الشيوخ الاخرى الى تحلل فوائد البنوك ان توضح اسبابها وانا ليا راى فى الموضوع ده ان البنك له بعض التصرفات التى لا تتفق مع الشرع ولكن له بعض التصرفات التى يجب ان ندرسها اولا لنستطيع الحكم عليها فمثلا القروض الشخصية حرام شراعا ولكن ماذا فى حالة حصول رجل اعمال على تمويل لمشروع بناء مدينة سكنية بملغ مليار جنيه هل البنك يقوم بتمويله بدون اى فايدة فمن ان ياتى بمصروفاته ومرتبات الموظفين وكمان تحقيق ارباح طبعا الرد هيكون ما يشارك رجل الاعمال وانا هرد واقول من هنا تبدأ المشكلة لو احنا عرفنا البنك بيمول المشروعات ازاى هتعرف انه بيشارك بصورة غير مباشرة ازاى!!!!!!!!!!!!!
لما يروح رجل الاعمال ويقدم على طلب التمويل لمشروع معين البنك بيطلب دراسة جدوى للمشروع وبعد كده البنك يدرس المشورع ويشوف ارباحه ويعمل دراسة للسوق ثم بعد ذلك بيحدد نسبة الفايدة على القرض او التمويل كنسبة من الربح وكمان بيحط شروط لرجل الاعمال او الشركة طالبة التمويل من حيث تعديل الامور فى الادارة او تغير بعض الاشتراطات او المواصفات فى المشروع ومما سبق يتضح ان قبل ما نقول حلال وحرام لازم ندرس الاول ونعطى لكل واحد تخصصه يعنى علماء الاقتصاد او البنوك يشرحوا طبيعة عمل البنك وبعد ذلك يقوم الشيوخ بمقارنة طبيعة هذه الاعمال مع الشرع لكن اللى بيحصل ان الشيوخ تحرم او تحلل بدون دراسة اعمال البنوك من قبل المتخصصين