صيانةاكسيل اتوماتيك

[waelsalah]

السلام عليكم
عربيتي اكسيل اتوماتيك مو 94 1500 سي سي
حليت كذا مشكله وباقى عدة مشاكل تواجهنى ولكن الحمد لله العربيه ماشيه كويس الى حد ما .
والآن 1- صعوبة فى الدوارة صباحا او عندما تتركن مثلا لساعه وهذا حديثأ
علما بالمتغيرات الآتيه :- البطارية جديده والبوجيهات جديده - فلتر بنزين جديد -- عملت صيانة فى الكربراتير (( كان مسمار الهوا مطبوط بمسمار بلدى !!!!!!!!!! وكمان فتحة المياه اللى بتبرد الكربراتير كانت مسدوده !!!!!!! )) وعملتهم فى المخرطه والمسمار بقا بيغير هوا عادى
ولكن صوت المارش عندى خشن وعالى (( قالولى الاتوماتيك طبيعي فيه كده ))
والميكانيكي قالى حضرلها بنزين قبل ما تدور (وساعات بتفلح الطريقه دى وساعات لا على فكره) ومش مقتنع بيها بصراحه والله اعلم
2- سحب العربيه بطيئ فى الطلعه كان بطيئ الى سرعة 40 كم فلما عملت الشغل السابق فى المكنه اتحسن الى سرعه 20 كم فى البطئ وكمان زودت زيت الفتيس الاوتو ماتيك كيلو زيت
جربت امشي من غير فلتر الهوا وملقتش فرق فى السحب برده بطئ فى الطلعه لحد سرعة 20 كم وبلاقي مقاومة شديده فى الطلعه كأنك طالع مطلع يارب اكون قربت لحضراتكم الموقف ؟؟؟
جربت اسوق على وضع L لقيت نفس اللى بيحصل على وضع D (( كنت شاكك ان الفتيس مبينقلش النقلة الاولى وبيطلع ع التانى ))
3- ملاحظه :- مفتاح الكونتاك مبيطلعش من مكانه الا لو الفتيس على وضع P فقط ؟؟ هل هذا طبيعي ام ماذا؟؟
4- 140 كم فى الصفيحه بنزين 80 استهلاك داخل البلد (( والعربيه بتحتاج تسخين جامد وده اكيد تهدير للبنزين )) وهل لو خلطت بنزين 80 مع 90 فيه مشكله ؟؟؟
5 - لمبة الزيت بترعش تظهر وتختفي ومقياس الزيت جاى فوق العلاميتن بحوالى 1 سم
6 - والعربية دايرة وواقفه بسمع دربكة فى العربيه ورعشه فى الدركسيون ولما بدوس بنزين كل ده بيروح ؟؟؟؟؟
اسف اكيد للاطالة
واتمنى اهتمامكم وردودكم القيمه القاطعه باذن الله تعالى

[samirayad]

ولكن صوت المارش عندى خشن وعالى (( قالولى الاتوماتيك طبيعي فيه كده ))

وارد يكون المارش بحاجه للصيانه

وهو السبب فى تأخير الدواره صباحا ومع سخونة السياره

كما هو موضح بهذا الكلام

والآن 1- صعوبة فى الدوارة صباحا او عندما تتركن مثلا لساعه وهذا حديثأ

- لمبة الزيت بترعش تظهر وتختفي ومقياس الزيت جاى فوق العلاميتن بحوالى 1 سم 6 - والعربية دايرة وواقفه بسمع دربكة فى العربيه ورعشه فى الدركسيون ولما بدوس بنزين كل ده بيروح ؟؟؟؟؟

ممكن يكون سبب الحاجتين دول

عدم ظبطة الكربوراتير صح وتنسيق مخلوط السلانسيه مع وضع الأسبراتير

للحصول على سلانسيه جيد

المفروض تشوف ميكانيكى تانى

يظبطلك أمورك أفضل من الميكانيكى الحالى

[waelsalah]

المشاركة الأصلية كتبت بواسطة samirayad وارد يكون المارش بحاجه للصيانه وهو السبب فى تأخير الدواره صباحا ومع سخونة السياره كما هو موضح بهذا الكلام ممكن يكون سبب الحاجتين دول عدم ظبطة الكربوراتير صح وتنسيق مخلوط السلانسيه مع وضع الأسبراتير للحصول على سلانسيه جيد المفروض تشوف ميكانيكى تانى يظبطلك أمورك أفضل من الميكانيكى الحالى

جزاكم الله خيرا

[samirayad]

الله يخليك

أستاذ : وائل

وأمنياتى لك بروقان البال

والعثور على ميكانيكى شاطر

[waelsalah]

بالمناسبة يا بشمهندس سميرانا كنت عند الكهربائي النهارده بظبط حاجات بسيطه كده فقولتله على صعوبة الدوارة وبتحتاج تسخين كتير فوصفلى ميكانيكي وشكر فيه
لكنه بعد دقايق لقيته بيقولى المشكله عندك فى الكونتاك مبيلقطش مع الموبينه اللى بتودى للمارش ده على انا فهمته منه
وقالى بدل ما تغير الكونتاك مثلا ب 150 ج ممكن اعملك زرار كونتاك خارجي تستعمله قبل المفتاح والعربيه هتدور علطول ؟؟؟ ما راى حضرتك فى هذا ؟
وقد فهمت منه ان لو لا قدر الله اى حد دخل العربيه سواء حرامي أو اى حد يسوقها من غير علمى مثلا ميقدرش يسوقها الا بوجود المفتاح برده؟؟؟؟ ما رايكم فى هذا ؟؟