موتور ال126 باظ و مش نافع حتى يتعملة عمرة

[احمد الشناوى1981]

كان عندنا فرح و مفيش اماكن للناس كلها فإبن خالتى اخد ال126 و بعد الفرح حب يعمل شويه حركات بال126
و النتيجه العربيه بقا صوتها غريب جدا و فى صوت صفيير بتاع بليه الدبرياج
المهم بعد الميكانيكى لما فكها لقا الدسك و الاسطوانه و البليه بايظن المهم بعد ما عملتهم و قفل المكنه طلع انها كانت بطلع فى الروح و مالحتش اروح بيها البيت والعربيه بطلت المهم رجعتها تانى للميكانيكى فك المكنه لقا وش السلندر مكسور و فى صباب مكسور و كذلك الفارغه طبعا قالى انها حتى مينفعش يتعملها عمرة
المهم الراجل قالى ان المكنه بتعمل حوالى 1200 جنية فهل ممكن اركب لها مكنه تانيه بفتيسها و اهو حتى المصاريف يبقالها لازمه و احس ان فى حاجه اتغيرت فى العربية
المهم دلوقتى ايه الى ممكن يركب و بكام ووضعه اية فى المرور

[احمد الشناوى1981]

طبعا بشكر كل الناس الى اهتمو وردوا على موضوعى لانى فعلا مستعجل علشان انا بعت عربيتى و كنت عامل حسابى انى امشى بال126 لغاية لما اشترى برحتى
عموما انا بس برفع الموضوع لانى فعلا عايز انجز و اجيب موتور علشان مفيش معاية عربية تانية

[zizo50001]

هو تقريبا مواتير ليها مش موجود بس فى ناس بتجيب ماتور السيات 133
شوف الميكانيكى هقولك اية والله يكون فى عونك وتخلص على خير

[احمد على 1999]

و الله يا استاذ احمد نفسى افيدك بس بامانة لا اعلم شىء

[احمد الشناوى1981]

المشاركة الأصلية كتبت بواسطة zizo50001 هو تقريبا مواتير ليها مش موجود بس فى ناس بتجيب ماتور السيات 133 شوف الميكانيكى هقولك اية والله يكون فى عونك وتخلص على خير

شكرا لإهتمام حضرتك بس موتور ال126 احسن من موتور السيات و انا كنت عايز اجيب اى موتور تانى يكون انعم و اقوى و صوتو اهدى بس المشكلة الى محيرانى ان المكان الى بيركب فيه الموتور صغير و مش عرف اية الى ممكن يركب فى المكان دة و كمان هينفع فى المرور و الا لأ

المشاركة الأصلية كتبت بواسطة احمد على 1999 و الله يا استاذ احمد نفسى افيدك بس بامانة لا اعلم شىء

يا باشمهنس انت كفاية تشريفك للموضوع و انت و الله واحشنى و عايز اشوفك ان شاء الله لو فيه مقابلة فى اسكندرية اجىلك عموما اتمنى تكون بخير دايماً