سؤال بسيط للخبراء فى الفتيس الاتوماتيك

[MOTOR HEAD]

بعد مابنجيب النقله D وندوس فرامل العربيه بتبقه واقفه تمام

ازاى انا مدى العربيه غيار ودايس فرامل و مع كده مبطلتش

ايه بقه اللى بيحصل ويفصل الحركه واول ماسيب الفرامل يوصل و العربيه تمشى

[mhamdy75]

سؤال وجيه

اول ما العربية بتاخد ال D

بتتحرك لو مش دايس فرامل

يعنى خلاص كده تم التعشيق

مافيش حاجة بتفصل لو دوسنا فرامل



أما عدم التبطيل فشغل حساسات

[MOTOR HEAD]

انا مش فاهم يعنى ايه شغل حساسات:w6w200504112236376 d

[atgps]

المشاركة الأصلية كتبت بواسطة MOTOR HEAD بعد مابنجيب النقله D وندوس فرامل العربيه بتبقه واقفه تمام ازاى انا مدى العربيه غيار ودايس فرامل و مع كده مبطلتش ايه بقه اللى بيحصل ويفصل الحركه واول ماسيب الفرامل يوصل و العربيه تمشى

الفرق الجوهرى بين الفيتيس العادى والفيتيس الأوتوماتيك هو وجود الدبرياج فى حالة الفيتيس العادى (المانيوال) وفى حالة عدم الضغط على الدبرياج يكون الفيتيس فى حالة تعشيق كامل مع الموتور.
أما فى حالة الفيتيس الأوتوماتيك فلايوجد دبرياج ولكن يكون وحدة آخرى تسمى torque converter وتلك وظيفتها مشابهه لعمل الدبرياج ولكن بدون تعشيق كامل ولكن تعمل تحت ضغط الزيت الخاص بالفيتيس الأوتوماتيك.
ووظيفتها نقل الحركة من الموتور الى الفيتيس عن طريق الوسيط وهو فى هذه الحالة الزيت تحت الضغط وليس تعشيق بالمعنى المفهوم كالدبرياج.
وفى حالة الضغط على الفرامل، فيسمح ذلك التصميم بدوران المحرك وعدم نقل الحركة الى الفيتيس.

[حسام البورسعيدى]

الفكره كلها فى القربة اللى هى محول العزم او torque converter ..

هى دى الوحده اللى بتخلى العربية تفضل دايره مع اننا كاتمين الموتور بالفرامل ..

ده غير طبعا ان حساس الـ idle فى البوابه بيساعد على كده برضو بانه بيعلى المكنه شويه حسب الحمل اللى عليها فيفضل الـrpm بتاعها ثابت على السلانسيه .......