هتجنن يا جماعه مش عارف اشترى اية؟؟

[dory52]

بصراحة يا جماعه انا مش عارف اشترى ايه عندى كذا اختيار وكل يوم بسمع حاجه عن اى عربيه بقارن بيها
انا عاوز عربيه متزدش عن 100 الف وياربت تكون اتوماتيك تكون سحبها كويس وثابته واوبشنز برده وانا عارف ان فى اختيارات كتير
ناس خوفتنى كتير من ال صنى ...وناس تقولك الاوبترا مش حلوه ..و الفرنا ورق لكن موتور جبار
العربيه الوحيده اللى لقيت كل الناس بتتكلم على ادائها وكل حاجه حلوه فيها هيا سواء جين 2 او برسونا وكانت مشكله الناس الوحيده هيا قطع الغيار ودلوقتى لقوها كتير فى الاسكندريه والقاهره

انأ التمس اهل الخبره بجد اعتبرنى اخوك وترشحلى ايه وتقولى لوفيه اخيترات تانيه قدامك وتقولى ايه السبب فى اختيارك

[pharm45]

طب ممكن تشوف الاكسنت RB الجديدة اوتوماتيك عربية انا شايف انها كويسة ومفهاش مشاكل وقطع غيارها متوفرة وسعر اعادة البيع كويسة
بس البروتون اى نعم عربية ممتازة وفوق الوصف لكن لما تفكر تبيع هتخسر جاامد اوى وكمان لو عاوز تعملها الصيانة عند اى ميكانيكى مش هيفهم فيها لانه مشتغلش فيها قبل كدة
اهم حاجة استخير ربنا كويس كذا مرة واللى فيه الخير ربنا هيعملهولك..طب جرب وروح كذا معرض واركب اللى انت بتقارن مابينه وشوف انت هترتاح لايه وتوكل على الله ومتسمعش من حد خلى صوتك هو الاعلى من صوت الاخرين
تقبل مرورى

[dory52]

المشاركة الأصلية كتبت بواسطة pharm45 طب ممكن تشوف الاكسنت RB الجديدة اوتوماتيك عربية انا شايف انها كويسة ومفهاش مشاكل وقطع غيارها متوفرة وسعر اعادة البيع كويسة بس البروتون اى نعم عربية ممتازة وفوق الوصف لكن لما تفكر تبيع هتخسر جاامد اوى وكمان لو عاوز تعملها الصيانة عند اى ميكانيكى مش هيفهم فيها لانه مشتغلش فيها قبل كدة اهم حاجة استخير ربنا كويس كذا مرة واللى فيه الخير ربنا هيعملهولك..طب جرب وروح كذا معرض واركب اللى انت بتقارن مابينه وشوف انت هترتاح لايه وتوكل على الله ومتسمعش من حد خلى صوتك هو الاعلى من صوت الاخرين تقبل مرورى

شكرا على مرورك وردك

[screamseko]

جين تو او بيرسونا اوتوماتك 93 و95 الف وال 5 الباقيين هات طقم جنط 18 وشوف العربيه دي حيبقي شكلها ايه :D

[tamer.koko]

طب ما تفكر في الالنترا 2011 زيرو
عربيه ميختلفش عليها حد واحسن عربيه في فئتها من وجهه نظري