قطع غيار السايبا .. و المشترك بينها و بين الكيا برايد

[Islam Samir]

السلام عليكم
انا لسه جايب السايبا من كام يوم .. و اول ما جبتها قلت اروح التوكيل بتاعها -اللى هو كان ناشيونا موتورز- و اكشف عليها و اتطمن
المهم و انا هناك فى فرع اكتوبر كانت الدنيا رايقة جدا الحمد لله .. و دخلت المخزن يتاع قطع الغيار و قلت اتكلم مع الشخص المسئول عن المخزن هناك على ما يخلصوا العربية
الشخص ده اسمه استاذ جميل و هو فعلا جميل .. راجل مهذب جدا و متعاون جدا جدا .. و صريح جدا جدا .. و لو الحاجة اللى عنده ليها بديل بره ارخص بقولك عليها
المهم عرفت منه شوية معلومات قلت انقلها للافادة عشان اللى معاهم العربية او ناويين يشتروها يبقوا على دراية:
1- العربية على نفس شاسيه البرايد القديمة بالضبط .. و بيركب عليها من حاجة القديمة كل ماله علاقة بالعفشة كالمساعدين و المقصات و الجلب و الطنابير و التيل-عدا الكبالن بتفرط و بالتالى لازم تجيبها من التوكيل و فردة الكبلن سعرها 1000 جنيه!!!- و كذلك البيبان و القوايم و السقف و نص الموتور من تحت كالقواعد و الاجزاء السفلية من الموتور البعيدة عن نظام الانجكشن .. مع ملاحظة ان اسعار الحاجات المشتركة دى فى التوكيل مش فارقة غيرفرق بسيط عن اللى فى السوق و يستحسن تجيب اللى فى التوكيل لانها بتاعتها بينما اللى فى السوق بيتقال عليها كورى وهى صينى(رأى شخصى)
2- الفوانيس فى التوكيل غالية شوية .. الامامى ب 350 و الخلفى ب 220
عشان كده لو الوش بس بتاع الفانوس اتكسر لكن الفانوس سليم انزل شارع التوفيقية .. شركة الاهرام للبلاستيك .. و بتديهم الفانوس و عربون 50 جنيه و تيجى كمان يومين تاخد الفانوس سليم و تدفع 30 جنيه.
3- الموتور و الفتيس على 4 قواعد سعر القاعدة فى التوكيل 80 جنيه و ممكن تجيبلها بتوع البرايد عادى.
4- اما بالنسبة للسينسورز فاسعارها كالاتى :
* سينسورهواء(شكمان) .. 500
* سينسور كرنك .. 200
* سينسور كامة .. 200
* بوابة كامله (بها اتنين سينسورز) .. 700
* سينسور سرعة .. 100
* سينسور فاكيوم .. 75
و الحاجات دى للاسف مش هتلاقيها غير فى ناشيونا موتورز لحد دلوقتى
5 - طقم رشاش كامل .. 1000 جنيه
عدا الحاجات دى فالباقى زيه زى الكورى مع العلم ان قطع الغيار فى التوكيل اللى فى زيها برة بتبقى رخيصة اوى يعنى مثلا التيل ب 78 جنيه و فلتر الهواء 30 و البنزين 35 و الاسعار دى بالنسبة لتوكيل تعتبر معقولة اوى.
وحتى الحاجات اللى فيها احتكار من ناشيونال موتورز اعتقد ان سعرها ان شاء الله هينزل و هتبقى اكثر توفرلما موضوع الاحتكار ده يختفى لما العربية تنزل تانى مع وكيل جديد .. زى ما الشركة -سايبا- قالتلى فى معرض الاهرام.
اتعشم اكون قدرت افيد الناس ..و اسف للازعاج
*

[virusx_x]

الف مبروك
و ربنا يديك خيرها ويكفيك شرها

[شريف كامل]

المشاركة الأصلية كتبت بواسطة mtc_46 السلام عليكم انا لسه جايب السايبا من كام يوم .. و اول ما جبتها قلت اروح التوكيل بتاعها -اللى هو كان ناشيونا موتورز- و اكشف عليها و اتطمن المهم و انا هناك فى فرع اكتوبر كانت الدنيا رايقة جدا الحمد لله .. و دخلت المخزن يتاع قطع الغيار و قلت اتكلم مع الشخص المسئول عن المخزن هناك على ما يخلصوا العربية الشخص ده اسمه استاذ جميل و هو فعلا جميل .. راجل مهذب جدا و متعاون جدا جدا .. و صريح جدا جدا .. و لو الحاجة اللى عنده ليها بديل بره ارخص بقولك عليها المهم عرفت منه شوية معلومات قلت انقلها للافادة عشان اللى معاهم العربية او ناويين يشتروها يبقوا على دراية: 1- العربية على نفس شاسيه البرايد القديمة بالضبط .. و بيركب عليها من حاجة القديمة كل ماله علاقة بالعفشة كالمساعدين و المقصات و الجلب و الطنابير و التيل-عدا الكبالن بتفرط و بالتالى لازم تجيبها من التوكيل و فردة الكبلن سعرها 1000 جنيه!!!- و كذلك البيبان و القوايم و السقف و نص الموتور من تحت كالقواعد و الاجزاء السفلية من الموتور البعيدة عن نظام الانجكشن .. مع ملاحظة ان اسعار الحاجات المشتركة دى فى التوكيل مش فارقة غيرفرق بسيط عن اللى فى السوق و يستحسن تجيب اللى فى التوكيل لانها بتاعتها بينما اللى فى السوق بيتقال عليها كورى وهى صينى(رأى شخصى) 2- الفوانيس فى التوكيل غالية شوية .. الامامى ب 350 و الخلفى ب 220 عشان كده لو الوش بس بتاع الفانوس اتكسر لكن الفانوس سليم انزل شارع التوفيقية .. شركة الاهرام للبلاستيك .. و بتديهم الفانوس و عربون 50 جنيه و تيجى كمان يومين تاخد الفانوس سليم و تدفع 30 جنيه. 3- الموتور و الفتيس على 4 قواعد سعر القاعدة فى التوكيل 80 جنيه و ممكن تجيبلها بتوع البرايد عادى. 4- اما بالنسبة للسينسورز فاسعارها كالاتى : * سينسورهواء(شكمان) .. 500 * سينسور كرنك .. 200 * سينسور كامة .. 200 * بوابة كامله (بها اتنين سينسورز) .. 700 * سينسور سرعة .. 100 * سينسور فاكيوم .. 75 و الحاجات دى للاسف مش هتلاقيها غير فى ناشيونا موتورز لحد دلوقتى 5 - طقم رشاش كامل .. 1000 جنيه عدا الحاجات دى فالباقى زيه زى الكورى مع العلم ان قطع الغيار فى التوكيل اللى فى زيها برة بتبقى رخيصة اوى يعنى مثلا التيل ب 78 جنيه و فلتر الهواء 30 و البنزين 35 و الاسعار دى بالنسبة لتوكيل تعتبر معقولة اوى. وحتى الحاجات اللى فيها احتكار من ناشيونال موتورز اعتقد ان سعرها ان شاء الله هينزل و هتبقى اكثر توفرلما موضوع الاحتكار ده يختفى لما العربية تنزل تانى مع وكيل جديد .. زى ما الشركة -سايبا- قالتلى فى معرض الاهرام. اتعشم اكون قدرت افيد الناس ..و اسف للازعاج *

معلومات مفيدة وهامة مع الشكر الجزيل