العربية اتجننت النهاردة

[عضو جديد]

السلام عليكم

اخوانى الموضوع كبير كبير كبير


النهاردة وانا رايح الشغل من السنبلاوين للمنصورة طريق حوالى 15 كيلو
انا كنت شايف الماية تقريبا من يومين العادة انى بزود الماية كل 3 ايام
المهم

بعد ما قطعت 10 كيلوا لقيت خير الله ماجعلة خير
دخااااااااااااااااااااااا ااااان طالع من الكبوت ودا اول مرة تحصل معايا كدا

رحت موقف العربية على طول جارى على الشنطة وجايب الطفاية
استر يارب استنيت شوية كدا لما الدخان هدى قبل ماافتح الكبوت عشان وشى طبعا


رحت فاتح الحمد لله لقيت الدخان كلة طالع من قربة الماية لقيتها فاضية جدا مفهاش نقطة خالص

اعمل اية امرى لله رحت مدور وكان معايا لتر ماية رحت حاططتها فى القربة ومشيت

200 متر لقيت دخان طلع تانى لابقى احنا هنهزر

رحت وقف لقيت القربة فاضية كيك مفهاش نقطة
لا حول ولا قوة اللا بالله

اتصلت بواحد صاحبي قال الماية راحت الردياتير املا تانى وشغل المروحة على طول

ودا اللى حصل جبت ازازة 3 لتر شحتها من واحد على الطريق ومليت القربة شوية شوية لغاية مالقيت الماية استقرت رحت ماشى

وطبعا طول ماانا ماشى مشغل المروحة للماتور هوا بقى ساخن بارد مشغل المروحة وخلاص


الحمد لله مشوار الصبح عدى
وانا مروح الوقتى الساعة 4.5 عملت حاجات غريبة

اللى هيحصل دا محصلش على طول يعنى حوالى 4 مرات بس على الطريق
لقيت لما ادوس دبرياج مع فرامل عشان اهدى العربية عشان مطب او دوران الاقى لمبة الزيت والبطارية تنور

اللمبتين اللى بينوا لما اكون فاتح الكونتاكت من غير ماادور العربية

حصل دا 4 مرات
مرة لقيتها بطلت ورحت مدور بسرعة قبل اللى ورايا مايخبطنى
والباقى الاقى العربية كانها اتكتفت ووقفت متكتفة تقوم نطة وتمشى بعد كدا

ياترى اية اللى بيحصل دا
ودا حلم ولا علم
ياريت المساعدة شباب

[حمدى مخترع مانيوال بدون د]

طب مش الى بيقول شكوة من العربية يقول هيا عربية نوعها ايه عشان نقدر نساعدو بالردود انا استنتجت انها عربيه 128 صح عشان انت عاملها مفتاح مروحة والحكاية دى بتتعمل فيها على طول انت احتمال كبير يكون تزموستات المروحة باظت وانت مشيت عليها وهيا سخنة لغايت لما دخنت فاحتمال بردو تكون جابت جوان سلندر قيس الزيت بتاع المتور ليكون الجوان خلصلك عليه هوا كمان