|
#1
14-05-2011, 04:21 PM
|
|||
|
|||
حوض سمك بالسمك بـ 25 جنيه
طبعا الموضوع ده انا عامله مخصوص للي نفسه يربي سمك بدون تعب وبما اني مربي سمك قديم هقولكم علي ارخص حوض سمك بالسمك ولا يحتاج سوي بلورة شيك وسمك بيعيش بدون اكسجين يعني مش هتشيل هم الكهربا لو قطعت والاكسجين فصل السمك ميموتش
هبتدي بأول نوع من السمك اللي بيعيش بدون اكسجين واسمه الفايتر او المحارب وديه شوية صور ليه          مشكلة السمك ده في حاجه انه مينفعش تحط ذكرين جمع ذكر مع بعض في حوض واحد لان لازم واحد من الاتنين يخلص علي التاني يعني يقتله الذكر يفرق عن الانثي في جماله ده شكل الذكر  وده شكل الانثي  زي الفرق بالظبط ما بين الطاووس الذكر والطاووس الانثي بالنسبة للبلوره في منها اشكال كتير جدا    سعرها بيبداء من 5 جنيه لحد 40 جنيه حسب الشكل والحجم وسعر السمك الفايتر بيبتدي من 5 جنيه وانتا وشاطرتك السمك الفايتر ينفع تحط ذكر مع الانثي لاكن مينفعش تحط معاه اي نوع تاني غيره لانه عدواني ده كان الجزء الاول وهكملكم بقية الانواع اللي بتعيش من غير اكسجين كمان شوية علي فكره الصور بس منقوله لكن الموضوع بالكامل انا اللي عامله 
|
|
#2
14-05-2011, 04:27 PM
|
|||
|
|||
|
رد: حوض سمك بالسمك بـ 25 جنيه
حبيبي يا كوكي موضوع هايل وكان نفسي اعمله من زمان بس السمك بيتباع فين ؟
|
|
#3
14-05-2011, 04:27 PM
|
|||
|
|||
|
رد: حوض سمك بالسمك بـ 25 جنيه
بالنسبة لتربية الاسماك المفروض حرارة الميه لا تزيد عن 28 درجة ولا تقل عن 20 درجة والميه اللي تتحط في البلورة لازم تكون مركونه بقالهم 5 ايام علي الاقل علشان الكلور يتصفي بالكامل
بالنسبة لاكلهم مفيش ارخص منه كيس اكل ب 2 جنيه يقعد معاك السنة كلها الميه بتتغير تقريبا كل 20 يوم اول ما تتعكر غيرها وانتا وراحتك بس علشان الشكل الجمالي وديه شوية فيديوهات جامده للفايتر في طبعا اكل حي السمك ده بيحبه جدا زي الدود وهتلاقيه بيتباع بردك عند بتاع السمك بجنيه يديك دود يغرق البلوره بس طبعا لا ينصح بكدا كتر الاكل غلط علي السمكه وبيعكر الميه بسرعه جدا
|
|
#4
14-05-2011, 04:28 PM
|
||||
|
||||
|
رد: حوض سمك بالسمك بـ 25 جنيه
شكرا على الموضوع المميز
__________________
|
|
#5
14-05-2011, 04:28 PM
|
||||
|
||||
|
رد: حوض سمك بالسمك بـ 25 جنيه
شكرا ع الموضوع
بس انا لو ربيت مش هربي سمك هربي ولف بوكسر دوبر مان 
__________________
 رمضان كريم
|
 |
| الكلمات الدليلية |
| سمك, زينة |
| أدوات الموضوع | |
|
|
