ملاكى التحرير ؟؟؟؟؟؟؟؟؟؟؟؟؟؟

[karem ali]

انا يا جماعه مش عارف افرح ولا ازعل من الى شوفته انهارده و هو انى اليوم الصبح انا اخت مخالفه فى محطه الرمل لانى مكنتش رابط الحزام و فى نفس الوقت كان فى واحد جنب منى راكب عربيه فيرنا و عامل زجاج فميه اسود و كان الحوار بين الظابط و صاحب العربيه :
الظابط: جه و قال له الرخصه لو سمحت
صاحب العربيه: رد عليه و قال خد كلم و اداله الموبيل
الظابط: رد عليه و قال الكلام ده كان زمان لو سمحت انا عاوز الرخصه
و فعلا الظابط اخد الرخصه
و ده يا جماعه حصل قدام منى النهارده الصبح و فعلا الظابط اخد الرخصه منه على شان الزجاج الملون
و انا اخد منى الرخصه على شان مش رابط الحزام لكن والله انا مش زعلان لانى اول مره اشوف حاجه زى دى من بعد الثوره و كنت فرحان انى الظابط اخد منى الرخصه اليوم و( ده الجزء الكويس فى الموضوع )



نرجع باء (للجزء السيئ ) وده حسسنى انى مفيش ثوره حصلت و هو من بعد صلاه المغرب كنت خارج با العربيه تانى و انا ماشى الاقى ايه واحد راكب عربيه متسوبيشى لانسر و الارقام مكتوب عليها ايه ملاكى التحرير و الارقام هى رقم موبيل دى بجد الحاجه الى زعلاتنى جدا بعد ما كنت فرحان انى البلد اتغيرت ارجع الاقى ناس لسه معندهاش اى احساس با المسئوليه خالص و انا مشيت وره العربيه لحد ما وقف و صورت العربيه و قولت لازم كل الناس تشوف الموضوع ده لانى بجد زعلت جدا
انا عاوز اعرف رايكم ايه فى الموضوع ده ؟







على فكره الى صور العربيه هو سيف رينو

[sad-bird]

والله موقف سخيف
وللأسف امثاله موجودين كتير

[mf]

بيفكرني بواحد صاحبي كان كاتب علي العربيه

ملاكي قريش

بجد حاجه تفور الدم

[karem ali]

المشاركة الأصلية كتبت بواسطة sad-bird والله موقف سخيف وللأسف امثاله موجودين كتير

و الله العظيم انا مزعلتش لم الرخصه اتسحبت لانى زى زى اى حد تانى لكن انا زعلان من الناس الى فاهمه الثوره غلط خالص لكن انا كنت عاوز انزل اكله على شان بجد ده انسان معدوش اى احساس و كمان يكون عبره

[karem ali]

المشاركة الأصلية كتبت بواسطة mf86 بيفكرني بواحد صاحبي كان كاتب علي العربيه ملاكي قريش بجد حاجه تفور الدم

شكرا ليك جدا
لكن الكلام ده كان قبل الثوره قبل ما البلد تتغير لكن دلوقتى الوضع اصبح مختلف عن الاول المفروض الناس تحس بكده