لفيييت ومش لاقى

[egyman83]

عايز الضافر اليمن للاكصدام الامامى والدايرة البلاستك السودا اللى بتبقا حلية للربع لعربيتى 128 نوفا ... انا من ميت غمر
كل ماروح محل عندنا يقول مفيش غير العادى الصغير بتاع الموديلات القديمة لكن النوفا لا حد يقولى فيين ممن الاقى كل حاجة ليها .... اسف على الاطالة

[AMMI]

لو تقدر توصى حد يجيبه ليك من القاهره فهو موجود فى الدقى وطبعا فى التوفيقيه

[egyman83]

فيين فى التوفيقية بالظبط محلات اية او فيين فى المهندسين

[sayed2077]

انا فيه محل اكسسوارات فى دار السلام فى حته اسمها الملف بين فايده كامل و دارالسلام اسمه الزعيم هتلاقى عنده اللى انت طالبه بس بالنسبه للظفر لازم تاخد يمين وشمال والاتنين ب 10 جنيه و بالنسبة للبتاعه البلاستيك اللى قصدك عليها اللى بتركب على الرفرف فا ديه لازم تشترى الاربعه ب 50 جنيه
او احسن لك انزل التوفيقية وهتروحلها انك هتركب مترو الانفاق وتنزل محطة جمال عبد الناصر و اول ما تطلع من المحطة اسال فين التوفيقية او فين محلات قطع غيار السيارات هتلاقى الناس كلها بتقولك اهيه قدامك بس فى الاغلب بلاش تروح هناك اليومين دول علشان الثورة وكده بعد لما يهدى حال البلد ابقى انزل وربنا يستر على مصر يا رب
اخوك فى الله سيد