عاجل جدا : استشاره في العربيه و لا كده هضيع نفسي

[medo84eg]

السلام عليكم و رحمه الله و بركاته
اخواني الاعزاء
عربيتي بيجو 305-79 نويت اغير لونها
العربيه ما شاء الله فبريكه جوه و لونها اخضر
بفكر اغيره لبترولي
و سمعت كلام اني كده هتعب في بيعها علشان تبقي رشه شقف و اللي هيشتري هيفتكرها مقلوبه و كده
هل الكلام ده صحيح ؟.
و لا في العربيات الحديثه بس

[fbt4me]

لا طبعا هو اي عربيه رشه سقف يبقى اتقلبت هو مش فيه قوايم بتبين العربيه مقلوبه ولا لا ميعبش العربيه تغيير اللون مادامت مش هترش الدواخل باللون الجديد يعني تسيب الدواخل على لونها الاصلي وان كان موضوع تغيير اللون مش بفضله لسبب هو ان لازم الدواخل تفضل على لونها ودا في حد ذاته بيخلي شكل العربيه عند فتح الشنطه والكابوت والابواب مش ظريف بالمره لكن لازم كده

[ahmed_onsi]

فعلا فى ناس كتير لما بتشوف ان اللون متغير بتقول كدة و كمان انت بتقول فابريكة جوة و برة فحرام لانك لو رشتها هتنزل من تمنها اقل حاجة 2000 جنية

[حسام البورسعيدى]

المشاركة الأصلية كتبت بواسطة ahmed_onsi فعلا فى ناس كتير لما بتشوف ان اللون متغير بتقول كدة و كمان انت بتقول فابريكة جوة و برة فحرام لانك لو رشتها هتنزل من تمنها اقل حاجة 2000 جنية

فبريكه بره ايه بس يا باشا دى موديل 79 هههههههههه

هو قال فبريكة جوه بس الظاهر حضرتك قريتها غلط ..








بالنسبة لموضوع الرش ده مفيش مشكلة منه ومتخفش .. الحساسية الزياده دى بتكون مع العربيات الحديثة بس ...

المشكلة ان الدواخل هيبقى لونها اخضر .. فهيبقى شكلها بشع جدا مع البترولى لما تيجى تفتح الابواب او الشنطة ...

[medo84eg]

الف شكر يا جماعه
يعني نتوكل علي الله و نديها بترولي و نعيش