سؤال الى مالكي byd ارجو المساعدة

[mohamed rad]

السلام عليكم و رحمه الله وبركاته في المنتدى الجميل ده
انا احب اعرف نفسى
انا محمد رضوان اخوكم من بورسعيد و عايش في ايطاليا و ناوي ان شاء الله اجي استقر في مصر في شرم الشيخ مع اسرتي و محتاج عربية و مضطر اجيبها مستعملة عاءلية في حدود 45 الي 50 كل ده زي مانتو عارفين الحياة في شرم غالية ازاي علشان كده مش عايز احط في العربية مبدايا
انا طبعا معجب بالبي واي دي اوي ي ي ي ي ي ي ي ي ي ي ي على اد فلوسي و عاءلية
بس انا محتار بينها و بين الجين 2 و بين الاوبل فكترا 98 او الكورسا 2004 او الفورد مونديو
بس الاوبل عموما مهما قدمت حلوه بس تكييفها مش اد كده
والتكييف مهم اوى عندي دي شرم نار
بس انا لي نظرية
اهم حاجة في اى عربية
الموتور
الشاسيه
نظام التعليق طبعا علشان طرق مصر الجميلة
التكييف ده بالنسبه لي انا علشان شرم نار
و انا شايف ان كل ده متوفر في البي واي دي
انتوا ايه رايكوم
اسف للاطاله
و انتظر مشاركاتكم ان شاء الله

[mohamed rad]

متابع باهتمام رايكم

[BASSEM BESO]

اهلا بيك يااستاذ محمد وان شاء الله تنور بلدك انا رأيى الشخصى انك تجيب عربيه زيرو احسن من المستعمل والمبلغ اللى معاك تحطه مقدمه والباقى اقساط وارشح ليك عربات من فئه ال1600 سى سى وبأسعار مناسبه كالتالى :
1- بروتون جين 2
2- جاك بى كلاس
3- اسبرانزا 516
4- بى واى دى

وان اشاء الله باقى الأعضاء يفيدو حضرتك

[mohamed rad]

اهلا بيك استاز BASSEM BESO
و الف شكر على مشاركتك
كدة حسسني ان في حد بيعدي علي المنتدي دة
51 شخص عدي علي موضوعي و محدش رد على غيرك
دة انا بقول المنتدي دة جميل و الناس اللي فيه بتحب تساعد بعض
يلي معلش الدنيا تلاهي
نرجع لردك علي موضوعي
انا لقيت ان العربية اللي ليها توكيل في شرم هي الانجلون بس نا معرفش هل هي بمستوي البي واي دي ولا لا
و لو حد يعرف اي نوع عربية تاني يكون توكيلها في شرم و علي اد امكانياتي ياريت يفيدني بمشاركته و يبقي عمل في خير
شكرا لتعاونكم
و اسف علي الاطالة

[تامين سيارات]

السلام عليكم اخى العزيز
بصراحة عندك حق موضوع يحير اوووى بس لو عاوز راى و بناء عن تجربة المشتركين معى فى تامين السيارات

هاكلمك عن عربيتين بس منهم لان الباقى مشمحتاج مشورة
1- الجين 2 :::
عربية يميزها ثبابتها على الطريق و على السرعات العالية كل الى ركبها شكر فيها اووووى يقال انها بتستهلك بنزين شوية التكيف معقول اوووى بس مش جامد جداا يعنى ---- العيوب اعادة البيع ضعيف مع ان سمعة السيارة ممتازة فىالسوق

2- byd ::;
و دة بقى بصراحة راى سائقين التاكسى 90% من التقيم رايهم على ان كمان السيارة بتلف طول النهار ممتازة جداااا فىالشغل حمالةاسية العيب فىالتوكيل شوية بس محلولة انت فى مصر ممكن تتصرف
موضوع التكيف مش هاقدر افيدك لان زىما انت عارف سواقين التاكسى مالهمش فى تشغيل التكيف

دى الاراء بكل امانة منالناس راى ال byd انتشرت تاكسى يعنى قطع غيار موجودة غير ان قطع غيار التيوتا تركب عليها عادى ( اسال فى موضوع قطع الغيار دة لانى سمعتة من بتوع التاكسى )
و ابقى عرفنا عملت اية ومبروك مقدما