هبوط حركة التجاره في جميع المجالات التجاريه

[دايو2]

الاخوه الاعزاء / اعضاء المنتدي وبالتحديد من يعملون بالتجاره
اسعد الله مساكم وكل عام وانتم بخير
لقد استشعرت في الاونه الاخيره هبوط السوق اي هبوط حركة التجاره في جميع المجالات التجاريه وبالتحديد في مدينة المنصوره الذي بلغ من الركود ذروته واصبح يذداد يوما بعد يوم فعندما كان يحدث ذلك في دخلة المواسم ( المدارس والاعياد ) كنا نعتبرها ظروف طارقه وتعودنا عليها وحفظناها واصبحنا نستعد لاستقبالها ولكن مايحدث الان غير عادي وغير المعتاد فاصبحت السنه كلها موسم واولها كأخرها وعندما كان يحدث هذا الركود لمدة ايام كنا نقول ان التجاره الان بعافيه او مريضه ولكن الان نقول ان التجاره ماتت .فهل هذا صحيح وهل كل التجار لديهم هذا الركود ويشعرون به وهل عدوي او فيرس الركود منتشر الان في كل بلد ومحافظه ؟ ارجو افادتي من كل من يهمهم الامر ولكم منا جزيل الشكر.

[albalshy]

الحمد لله و الشكر لله على كل حال . كل اللى يجيبه ربنا كويس سواء ركود أو كساد . لكن لاحظ ان احنا فى فترة امتحانات للطلبه جميعا بمختلف المراحل فأذهان الناس مشغوله دلوقتى بالموضوع ده و هو ده اللى عامل الركود . لكن بعد انتهاء الفتره دى الحال بيتغير تماما و ممكن تلاقى ازدياد فى الاسعار فى بعض المجالات . و بالنسبه للعربيات يعنى السوق بدأ يزق شويه و بيشد حيله أهو .

[دايو2]

المشاركة الأصلية كتبت بواسطة albalshy الحمد لله و الشكر لله على كل حال . كل اللى يجيبه ربنا كويس سواء ركود أو كساد . لكن لاحظ ان احنا فى فترة امتحانات للطلبه جميعا بمختلف المراحل فأذهان الناس مشغوله دلوقتى بالموضوع ده و هو ده اللى عامل الركود . لكن بعد انتهاء الفتره دى الحال بيتغير تماما و ممكن تلاقى ازدياد فى الاسعار فى بعض المجالات . و بالنسبه للعربيات يعنى السوق بدأ يزق شويه و بيشد حيله أهو .

والله ياا خي الغالي هذا الحال من قبل الامتحانات بكتير ولكن احنا علشان مؤمنين بقدر الله فدائما نطمئن انفسنا ونقول علشان الامتحانات ومره علشان دخلة رمضان ومره علشان دخلة العيد واخري علشان دخلة المدارس وفي النهايه ربنا يلطف بينا .

[عصام غنايم]

عندنا فى دمياط الحاله منيله بنيله

ولاكن الطبيعى ان شهرين ( ينايم , فقراير ) كل سنه بيبقوا كده بس سنه عن سنه الحاله بتسؤ

[zoomaa&mizaa]

فعلا يا جماعة الحالة تعبانة جدا ودة لأن الناس خايفة من بكرة وبيفضلوا أن الصرف اليومين دوول يكون على الأكل وبس وفعلا الحالة بتسوء أكثر كل سنة .