حد عنده خبرة فى الأوبل كورسا 2005 يرد عليا

[dodo_0800]

انا عندى عربية اوبل كورسا 2005 وعندى بعض المشاكل :
1- عندى اول مشكلة فى السلانسية بتاع العربية مش مظبوط والمفروض يكون على كام السرانسية فى rpm وازاى اظبط السرانسية؟
2- بيحصل رجرجة فى العربية فى الغيار الأول مع انى مغير الديسك والأسطوانة من 6 شهور بس واحد قالى شوف القواعد وجد ان القاعدة الأمامية للماتور الكاوتشة الداخلية ال ماسكة القاعدة بالمتور مش موجودة هل دا سبب فى رجرة العربية فى الغيار الأول وعدم ثبات فى المحرك لما امشى بالعربية ؟
3- عندى المروحة بتشتغل بعد تشغيل الماتور ب 3 دقايق لو حتى الماتور على السرانسية وفى السرعات العالية بلاقى المروحة على السرعة الثانية باستمرار حتى فى السرعات البطيئة بلاقى المروحة بتشتغل باستمرار على السرعة الأولى دى بقى سببها ايه ؟
ومتشكر جداً على ال هيفدنى بالأجابة

[dodo_0800]

ما فيش حد بيرد ليه ؟؟؟

[حسام البورسعيدى]

1- الـ RPM فى السلانسية المفروض يكون حوالى 800 RPM ... بس والعربية باردة بيكون على 1 او اعلى حاجة بسيطة وده طبيعى لغاية ما العربية تسخن بينزل لـ 800 تقريبا ...

2- مش فاهم القاعدة مش موجودة ازاى ؟؟ امال الموتور محمل على ايه ؟؟
عموما الرجة دى غالبا سببها بيكون اسطوانة الدبرياج .. ممكن اللى انت غيرتها دى تكون مضروبة وباظت بسرعة .. وطبعا انصحك انك تغيرها مش تملاها فى المخرطة ..

3- اهم حاجة ان المروحة تكون بتشتغل والحرارة فى النص تقريبا ..
هل العربية بتسخن منك ولا عادى ؟؟ .. عاوزك تتاكد من الميه وتزودها لو ناقصة ..
واهم حاجة ان العربية متكونش بتسخن بس ..

[samirayad]

1- عندى اول مشكلة فى السلانسية بتاع العربية مش مظبوط والمفروض يكون على كام السرانسية فى rpm وازاى اظبط السرانسية؟

الرينج الطبيعى

من 750 إلى 850 لفه / دقيقه

بس واحد قالى شوف القواعد وجد ان القاعدة الأمامية للماتور الكاوتشة الداخلية ال ماسكة القاعدة بالمتور مش موجودة هل دا سبب فى رجرة العربية فى الغيار الأول وعدم ثبات فى المحرك لما امشى بالعربية ؟

غير القاعده دى وشوف الجديد

3- عندى المروحة بتشتغل بعد تشغيل الماتور ب 3 دقايق لو حتى الماتور على السرانسية وفى السرعات العالية بلاقى المروحة على السرعة الثانية باستمرار حتى فى السرعات البطيئة بلاقى المروحة بتشتغل باستمرار على السرعة الأولى دى بقى سببها ايه ؟

تابع حرارة المكنه وأتأكد من عمل عداد الحراره بصوره طبيعيه

ليكون عندك مشكله فى دورة التبريد

دون أن تدرى

[dodo_0800]

طيب يعنى عدم ثبات المحرك فى الدوران دا سببه ايه فى السرانسية يكون مثلاً البوجيهات ولا الرشاشات ولا ايه بالظبط