|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
 |
|
|
أدوات الموضوع |
|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
|
|
|
أدوات الموضوع |
|
#1
14-08-2010, 12:16 AM
|
|||
|
|||
اوبل كورسا ولا سيات ابيزا ولا فيات بونتو
السلام عليكم
ممكن نعرف ايه افضل عربية من حيث الاستعمال(اقصد شوارع مصرالمهروسة) وسهولة الصيانة وقطع الغياروكمان الثبات والعفشة - اوبل كورسا 1200 سى سى طبعا - سيات ابيزا - فيات بونتو وكلهم موديلات التسعينات وياريت اسعارهم كمان؟؟؟؟ 
|
|
#2
15-08-2010, 02:09 AM
|
|||
|
|||
رد: اوبل كورسا ولا سيات ابيزا ولا فيات بونتو
اية ياجماعة 30 مشاهدة ومفيش ولا رد
دا انا كمان كنت عاوز اضيف البرايد والبولو للمقارنة مستنى مشاركتكم
|
|
#3
15-08-2010, 03:25 AM
|
||||
|
||||
رد: اوبل كورسا ولا سيات ابيزا ولا فيات بونتو
بصراحة المقارنة صعبة, لأن العربيات دى كلها تعتبر زى بعض, ماتفرقش عن بعض حاجة غير الثمن وقطع الغيار وسهولة التصليح.
ما ينفعش تحط البرايد فى مقارنة مع عربيات أوروبية مبدأيا. البولو عربية جميلة, حجمها كبير حبتين بالنسبة لباقى العربيات دى, بس عربية عفية وبتستحمل, وقطع غيارها مش منتشرة قوى وتعتبر غالية بالنسبة لعربية تسعينات (قطع الغيار), ومباميلهاش. أنا معرفش أى حاجة عن الأوبل, بس بصراحة شكلها مبيعجبنيش وقطع غيارها نادرة وغالية برضه. البونتو عربية رائعة من روائع فيات, عربية أقتصادية وجميلة وتعتبر رياضية لخفة وزنها, وتصلح للشباب مع السيات أبيزا, قطع غيارها متوفرة الى حد ما وناس كتير بتفهم فيها. الأبيزا من رأيى هى أحسن واحدة بالأضافة الى البونتو, عربية أثبتت نفسها فى السوق, تصليحها سهل وقطع غيارها موجود منها جديد وأستيراد, وشكلها جميل ورياضى, وسريعة برضه بالنسبة لوزنها, وممكن تسقطلها موتور براحتك وبسعر كويس. مشكلة العربيات دى أنها قديمة وشبابية, بمعنى أن أحتمال 70% هتاخد عربية مدشملة وصاحبها كان بيعذبها, فلازم التأنى والأختيار الصح. وياريت لو حد عنده تجارب مع أى عربية يفيدنا, وربنا يوفقك لما فيه الخير.
__________________
|
|
#4
15-08-2010, 05:36 AM
|
|||
|
|||
رد: اوبل كورسا ولا سيات ابيزا ولا فيات بونتو
بس سؤال صغير ؟؟؟؟ مين تستحمل المطبات اكتر الابيزا ولا البونتو
|
|
#5
15-08-2010, 07:47 AM
|
||||
|
||||
|
رد: اوبل كورسا ولا سيات ابيزا ولا فيات بونتو
بصراحة أنا مجربتش الأثنين بتمعن علشان أقولك بس عامة, أنت هتشترى عربية موديل تسعينات, يعنى يالعفشة هتبقى ضايعة( بنسبة متوسطة أو ضايع خالص) ياصاحبها هيكون مغيرها, فالراحة والثبات هيعتمدوا على العربية نفسها وأستخدام صاحبها ليها وحالتها, فلازم تجرب العربية كويس وتكشف عليها قبل ماتخدها, وتعمل حسابك لو فيه حاجة هتتغير تحاول تقلل من سعر العربية علشان تريح نفسك.
أبيزا - بونتو - بولو - كورسا - برايد من وجهة نظرى, بس ده مش مهم, المهم وجهة نظرك أنت 
__________________
|
|
| أدوات الموضوع | |
|
|
.
