اجيب مستعمل ولا جديد بالسعر ده

[hero_hamada]

السلام عليكم ورحمة الله وبركاته
ازيكم يا اعضاء مصر موتورز
عايز اخد رايكم فى حاجة النهاردة
هو انى عايز اجيب عربية
فمحتار ما بين الفيرنا جديدة ب 67 الف
وبين الالنترا اولانسر مستعملة
مش عارف
اانا عارف طبعا ان الجديد جديد وليه زهوته وحلاوته
بس الالنترا برضه تستاهل انها تتركب مستعملة لانها تحفة
رايكم ايه

[egy4arb]

<!-- / icon and title --> <!-- message -->

احذر - تسلم ( اوعى تشترى العربية قبل ماتدخل الموضوع دا ) تنبية هاام


احب احذر الناس كلها من عدة نقاط وقعت فيها شخصيا :

1 - مش هتكلم على كشف العربية و حالتها و كدا

2 - مبدئيا و قبل ما تفتح باب العربية تشوفها قول للبائع هات البطاقة الشخصية بتاعتة و الرخصة العربية و لو مش نفس الاسم سيبة و امششششششى و اوعى تفكر فيها ولا بقى يقولك عربية جوز امى و هوا جاى بس فى الشغل ولا الهبل دا لانة شغل نصب و على كبير بتاع توكيلات ( ارجوووك اسمع كلامى ) حتى لو كان قريبك سيبهاااااااااااااااااا


3 - لو طلع اسم البطاقة زى اسم رخصة العربية و تمام تكشف عليها و تنفضها صح عند كذا حد ميكانيكا و عفشة و سمكرة و بنزينة اة الاربعة و لازم البنزينة برضو و لو مش مقتنع بكشف حد فيهم شوف غيرو مثلا الميكانيكى يعد يسمع فى صوت الموتور و يسيب العربية دا تسيبو و تمشى تروح لغيرو لانك بتشترى عربية مش موتور .


4 - بعد ما الحمد لله صاحب البطاقة هوا صاحب الرخصة و حالة العربية تمام و سليمة

5 - قبل ماتدفع شلن واحد عربون تطلع على مرورها ( و دا اهم حاجة لانو ممكن يكون بعيد جدا و يبهدل زى ماحصلى طلعت فى ( اوسييييييييم لعنة الله عليها ) تروح المرور ترفع بصمة موتوور و شاسييييية و اوعى تامن لحد طلعو موجودين على الرخصة احمد ربنا


- بعد كدا بقى عربن و اتفق و ظبط امورك عادى وربنا مايوقعش حد فى حاجة وحشة و بالله علليك خلى بالك من كل كلمة قولتها و اوعى تنفض .


اتمنى اكون افدت بعضكم لانى عارف ان معظمكم عرفين الكلام دا بس حبيت اكتبهم برضو حايز فى حد ابيييض زى قبل ما اجيب العربية

[dr_youssifomar]

اولا ان ن محبى النترا ولانسر لكن بعد كثير من البحث والقراءة
افضل ان تشترى سيارة جديدة
او تشترى النترا او لانسر مستعمل بس من حد معرفة وتنفذ كل اللى اللى قالة الاخ ايجى
بالحرف قبل ما تشترى العربية
واعمل صلاة استخارة وربنا يوفقك

[MEMOO_1ST]

بص يا باشا لو لقيت النترا او لانسر لقطة يعني مش ماشية كتير وحالة نضيفة ( ودا عاوز لف وتنزل السوق أكتر من مرة وتسأل أصحابك ومعارفك ) ومش من تاجر زي ما الاستاذ ايجي قال يبقى تمام ودي أحسن كتير من الفيرنا.
لكن لو مش بالحالة دي وأي حاجة في الحاجات دي ناقصة يبقى تشتري جديد وتريح نفسك.
وبالتوفيق ان شاء الله.

والله الفيرنا حلوه مش وحشه وحمارة شغل وقطع غيارها رخيصة والناس كلها بقيت فاهمه فيها وصيانتها رخيصة وسعر اعادة بيعها افضل

نصيحة تجيب زيرو وترتاح مش اقل من 7 سنين قدام

ولا تجيب عربية متكملش معاك سنة وتبتدي رحلة العزاب واكتشاف العيوب وصيانتها عاليه وتكلفت قطع غيارها عاليه


توكل علي الله وهات زيرو وابعد عن المستعمل ومشاكله علي الاقل هتكون انتا اول واحد يركبها احسن ما تجيب عربية متعرفش اللي كان راكبها قابلك ده كان عامل فيها ايه

واودامك اختيراين ملهمش تالت يالفيرنا ياللوجن

لو عايز عربية عاليه خليك في اللوجن لو مش فارق معاك العلو والطريق عندك كويس يبقي خليك في الفيرنا