مانيوال ولا اوتوماتيك ؟

[karkar]

ياجماعة انا من الزقازيق وبقت زحمة جدا" اشتري عربية مانيوال ولا اوتوماتيك احسن وايه مميزات وعيوب كل نوع ؟ وشكرا والله

[oceanboy425]

لو عايز تريح دماغك من السواقة يبقى الاوتوماتيك
ولو عايز تحس انك فعلا سايق عربية يبقى المانيوال
مميزات المانيوال
1- السحب افضل
2- السرعة القصوى اكبر
3- عمر الموتور اطول لانه بيحملش على الموتور على الفاضى والمليان
4- اى عطل فى العربية ممكن تزق العربية او تتصرف عكس الاوتوماتيك لازم تصلحها مكانها
5- لو العربية صغيرة يبقى المانيوال طبعا

[مظهر صفوت]

كبر دماغك يا كركر باشا وخليك فى الاوتوماتيك: هموم الدنيا وقلة التركيز والطرق البايظة والقوانين المتخلفة تجعل قيادتك بالمنايوال معركة حربية لها نتائج سلبية على اعصابك . لذلك خليك فى الاوتوماتيك اريح واهدأ

[oceanboy425]

بصراحة بحس اللى سايق الاوتوماتيك مالوش فى السواقة اصلا طب يشد ازاى ويحرق غيارات؟

[drift]

المشاركة الأصلية كتبت بواسطة oceanboy425 لو عايز تريح دماغك من السواقة يبقى الاوتوماتيك ولو عايز تحس انك فعلا سايق عربية يبقى المانيوال مميزات المانيوال 1- السحب افضل 2- السرعة القصوى اكبر 3- عمر الموتور اطول لانه بيحملش على الموتور على الفاضى والمليان 4- اى عطل فى العربية ممكن تزق العربية او تتصرف عكس الاوتوماتيك لازم تصلحها مكانها 5- لو العربية صغيرة يبقى المانيوال طبعا

انت بتقول ان عمر المحرك بيكون اطول لانة مبيحملش علي الموتور علي الفاضي والمليان انا لا اؤيدك علي هذا الراي بل العكس صحيح الفتيس الاوتوماتيك يدي عمر اطول للمحرك لانك مش عتعرف تحرق غيارات ودة بيقصر علي عمر المحرك واستهلاك البنزين وبالنسبة للطرق المزدحمة المانيوال متعب وبيخلي الموتور يسخن وياكل بنزين وياكل في اسطوانة الدبرياج نظراا للتحميل علي الدبرياج بشكل متتكرر اما عن الفتيس الاوتو ماتيك فهو لا يحمل علي الموتور علي الفاضي والمليان لانك لما بتدوس علي الفرامل يعتبر كدة انك بتفصل الفتيس من المحرك لذلك في الاوتوماتيك وانت طالع بتدوس فرامل وبعدين تدي الd بس العربية مش بتتحرك الا لما تسيب الفرامل علشان الفتيس مفصول عن العربية وكذلاك وانت ماشي كل ماتدوس فرامل تفصل الفتيس