المياه الخضرا فى الفيليشيا

[karam adly]

معى فيليشيا 95 و الحمد لله دورة التبريد مستقرة حتى الان, لكن انا بستعمل مياه الحنفية و لما قررت استعمل الميا ه الخضرا لانها افضل و درجة غليانها فوق 100 درجة, سألت الميكانيكى اولا فخذرنى من استعمالها و قال ان طالما بقالى فترة بستعمل مياه الحنفية يبقى اكيد فى صدأ فى الدورة و الصدأ ممكن يكون ساتر لأى ثقوب لأنى لو استعملت الخضرا فيها كيماويات تجلى و تنظف الصدأ و تنكشف الثقوب و تتسرب المياه و تبدا المشاكل.. انا فى حيرة ارجو الافادة و لو حد جرب قبل كدة يغير المياه من عادية هل نجحت معه المحاولة .. ياريت يفيدنى و لكم الشكر ..*

[esam.sona4]

مفيش ميه خضرا درجة أولى فى مصر كلها أسماء فقط أنا كنت شارى العربية من صاحبها وهو بيستعمل مية خضرا روحت عملها دورة تبريد فى المحطة وضعت ميه خضرا مرة واحدة بعد دورة التبريد وحاليا أضع ميه من الحنفية والعربية ماشاء الله مفيش أى مشاكل

[احمد بدر1978]

خليك فى المياة العادية احسن

[ali farouk]

والله غيرت من الميه العاديه للخضرا ولا حاسيت باى فرق غير فى اللون

[احمد يوسف]

لو مية اصلية اكيد هاتحس بالفرق وده عن تجربة لكن اغسل الردياتير كويس الاول عند متخصص وبلاش تملى القربة يعنى كفاية قوى فى النص بين العلامتين ده بيدى مجال لحركة المية فيها