هل انت راض عن سيارتك الحالية ؟

بصراحة بقالي فترة في المنتدي الجميل دا
ومن خلال قراءاتي وبحثى عن جميع المعلومات عن كل السيارات
احب اعمل الموضوع اللي اعتقد انه مهم لكل واحد فينا
هل نحن راضون عن سيارتنا الحالية
وعندما نأخد قرارا بالتغيير
ليه هنغير ولاية هنغير
ارجو المشاركة بالاراء المختلفة
لان المنفعة في الاخر لينا احنا مش لحد تاني

[ahmedsherif1990]

انا 24 قيراط

[AbOnOrA]

هو مبدائياً انا شايف ان مش ضرورى اكون غير راضى عن عربيتى علشان افكر فى غيرها
الكمال لله وحدة ومهما كنت شايف ان عربيتى مناسبة لمتطلباتى وميزانيتى اكيد مفتقد فيها حاجات وباحلم بالافضل
فانا ممكن اكون من الناس الراضيين بس بطمح فى الافضل
ليه ولايه وامتى ؟
بصراحة حال السوق حالياً واضطراب الاقتصاد ككل واحتاجى الشخصى لاى سيولة ممكنه لتطوير شغلى بيخلينى اعتبر العربيه عموماً مجرد بند مصروفات بحاول اخليه قليل بالقدر المستطاع
واى حد بيحسبها كده مش هياخد قرار التغيير الا لما يحس ان العربيه بدات تفتح بقها وتكاليف تشغيلها بقت اعلى

لكن اكيد زى ما فيه ناس بتحسبها بشكل اقتصادى ناس بتحسبها بترتيب اهتمامات واحتياجات مختلف
ممكن واحد يبقى فى مقدمة احتياجاته المظهر والوجاهه الاجتماعية فيبقى دائما بيفكر فى احدث موديل وفئات معينة من السيارات
واحد تالت احتياجاته للسعة والرحابة الداخلية اكتر فيفكر فى عربيه جديدة تناسب متطلباتة

بس يا ترى غالبيه الناس بتميل لتغيير عربياتهم بدافع الظروف الاقتصادية ولا الاحتياجات العملية المتنوعة ولا بدافع التجديد والمظاهر اكتر
ده اللى ممكن نستكشفه من نتائج الاستطلاع ان شاء الله
وشكراً يا استاذ وليد على الطرح المتميز

المشاركة الأصلية كتبت بواسطة AboNoRa هو مبدائياً انا شايف ان مش ضرورى اكون غير راضى عن عربيتى علشان افكر فى غيرها الكمال لله وحدة ومهما كنت شايف ان عربيتى مناسبة لمتطلباتى وميزانيتى اكيد مفتقد فيها حاجات وباحلم بالافضل فانا ممكن اكون من الناس الراضيين بس بطمح فى الافضل ليه ولايه وامتى ؟ بصراحة حال السوق حالياً واضطراب الاقتصاد ككل واحتاجى الشخصى لاى سيولة ممكنه لتطوير شغلى بيخلينى اعتبر العربيه عموماً مجرد بند مصروفات بحاول اخليه قليل بالقدر المستطاع واى حد بيحسبها كده مش هياخد قرار التغيير الا لما يحس ان العربيه بدات تفتح بقها وتكاليف تشغيلها بقت اعلى لكن اكيد زى ما فيه ناس بتحسبها بشكل اقتصادى ناس بتحسبها بترتيب اهتمامات واحتياجات مختلف ممكن واحد يبقى فى مقدمة احتياجاته المظهر والوجاهه الاجتماعية فيبقى دائما بيفكر فى احدث موديل وفئات معينة من السيارات واحد تالت احتياجاته للسعة والرحابة الداخلية اكتر فيفكر فى عربيه جديدة تناسب متطلباتة بس يا ترى غالبيه الناس بتميل لتغيير عربياتهم بدافع الظروف الاقتصادية ولا الاحتياجات العملية المتنوعة ولا بدافع التجديد والمظاهر اكتر ده اللى ممكن نستكشفه من نتائج الاستطلاع ان شاء الله وشكراً يا استاذ وليد على الطرح المتميز

ياخبر ابيض ...ابو نورا عندنا....يا مرحبا يا مرحبا
الحمد لله ان عملت الموضوع دا عشان اتشرف بمداخلتك يا باشا
ربنا يخليك على تشجيعك وعلى زوقك وادبك الجم

[MmFFoR]

الحاجة الوحيدة اللي بفتقدها في عربيتي قلة استهلاك الوقود! العربيه غول بنزين بس غير كدة العربيه دكتور