نقص مياة القربة فى الاسبرانزا

[السيد شبل]

الاخوة الافاضـــل اعضاء المنتدى
سيارة اسبرانزا A516 -مو 2007 مشكلتها السخونية اى انها تسخن وامبير الحرارة يعدى النصف بسنة صغيرة ولو مشيت مشوار طويل 50 او 100 كم وبطلت وبردت الاحظ نقص فى مياة القربة حوالى لتر بالرغم انى مظبط المياة قبل السير بها وسبق ان غيرت حساس الحرارة ولا جديد وعند شك ان بها تسريب فى دورة المياة ولاكنى بالنظر لا اجد تسريب ولا تنقيط فى اى مكان - فما هو رأى الاخوة ذوى الخبرة فى ذلك

[AbOnOrA]

كل سنة وحضرتك طيب وبخير يارب ، بص كده انت عندك تسريب اكيد مش شك ولازم تلحق تعرف سببه قبل ما الموضوع يكبر وتبقى فيه مشاكل اكتر ساعات لا قدر الله توصل لتلف الموتور او اجزاء اساسيه منه

دورة الميه فى العربية بتبداء من الريداتير والقربة اللى ممكن يكون فيهم خرم او فك فى اللحام يخليهم يسربو ميه او حتى بخار مية ( فى حالة الريداتير ) بعد كده فيه خراطيم مربوطه بقفايز ( جمع افيز) بتدخل المية للموتور وجوة الموتور ممكن يحصل فقد مية برضو واخيرا بيمر على طلمبة المية اللى ممكن يبقى فيها مشكلة برضو يعنى الاحتمالات كالتالى

1- قربة المية
2- ريداتير
3- خراطيم وشجره مية وخلافه
4- دورة المية داخل المحرك
5- طلمبه المية

فانت اول حاجة تبص على مية الريداتير وغطاه وتشوف فيه اثار حاجة زى الطحينة ؟ او فقاعات زيت فى المية
لو ده حاصل يبقى التسريب من جوه الموتور وساعتها محتاجين تغيير جوان وش السلندر لانه سرب ميه ع الزيت

لو وش السلندر تمام الحمد لله يبقى حاجة من الاربعة التانيين فيه تسريب ومحتاج واحدة واحدة تجرب لحد ما تلاقى السبب

[السيد شبل]

المشاركة الأصلية كتبت بواسطة AbOnOrA كل سنة وحضرتك طيب وبخير يارب ، بص كده انت عندك تسريب اكيد مش شك ولازم تلحق تعرف سببه قبل ما الموضوع يكبر وتبقى فيه مشاكل اكتر ساعات لا قدر الله توصل لتلف الموتور او اجزاء اساسيه منه دورة الميه فى العربية بتبداء من الريداتير والقربة اللى ممكن يكون فيهم خرم او فك فى اللحام يخليهم يسربو ميه او حتى بخار مية ( فى حالة الريداتير ) بعد كده فيه خراطيم مربوطه بقفايز ( جمع افيز) بتدخل المية للموتور وجوة الموتور ممكن يحصل فقد مية برضو واخيرا بيمر على طلمبة المية اللى ممكن يبقى فيها مشكلة برضو يعنى الاحتمالات كالتالى 1- قربة المية 2- ريداتير 3- خراطيم وشجره مية وخلافه 4- دورة المية داخل المحرك 5- طلمبه المية فانت اول حاجة تبص على مية الريداتير وغطاه وتشوف فيه اثار حاجة زى الطحينة ؟ او فقاعات زيت فى المية لو ده حاصل يبقى التسريب من جوه الموتور وساعتها محتاجين تغيير جوان وش السلندر لانه سرب ميه ع الزيت لو وش السلندر تمام الحمد لله يبقى حاجة من الاربعة التانيين فيه تسريب ومحتاج واحدة واحدة تجرب لحد ما تلاقى السبب

مع وافر الشك للاستاذ ابو نورا - المياة فى القربة نظيفة ولا يوجد اى تلوث بها واحتمال ان التسريب يكون من الردياتير او الطرمبة وكنت عايز اعرف من حضرتك هل يتم الكشف عن التسريب عن طريق ضغط هواء فى دورة المياة للسيارة عند بتاع الردياتير دون فك الردياتير او اى قطعة اخرى لبيان التسريب لأننى اسمع ان فى ناس لاتنظر الى مياة الردياتير الا كل اسبوع اواكتر للآطمئنان فقط - ومع تحياتى لردك السريع وشكرا