إنشطار هيونداي إلى نصفين بحادث مروري

[AbOnOrA]

مقدمة هيونداي بعد الحادث

أثار إنشطار سيارة هيونداي سوناتا إلى نصفين في حادث سير في السعودية تساؤلات عن مدى جودة بعض السيارات الحديثة الصنع والتي توجه إلى الشريحة الشعبية من المواطنين في الشرق الأوسط ، والسوق اللبناني أحدها بحيث أنها، لا تستوفي معايير السلامة الكامنة والمتحركة ، فقد كشفت نوعية معينة عدة حوادث للسيارات الحديثة الصنع ، والآسيوية المنشأ عن هشاشة تامة في الهيكل الذي ينقطع بشكل كامل ، غالبا بعد حوادث سير ناتجة عن سرعة زائدة ويرجع ذلك إلى الإستخدام المكثف للبلاستيك والمواد الرخيصة في صنع هياكل السيارات الحديثة بحثا عن خفة الوزن، ولتسويق هذه السيارات بسعر منخفض .
فقد نجا شاب من موت محقق بأعجوبة بعد تعرضه لحادث مروري الأسبوع الماضي في المملكة العربية السعودية على طريق العاصمة الرياض ، مما أدى لإنشطار سيارته هيونداي سوناتا حديثة الصنع إلى نصفين، وتعرضه لجروح وكسور .
وقال موقع "سبق " الالكتروني نقلا عن شاهد عيان أن الشاب كان يسير بسيارته هيونداي سوناتا بسرعة عالية، وإنحرفت ، وإرتطمت بوسطية الطريق، وإنشطرت إلى نصفين. وتم على الفور نقل السائق لأحد المستشفيات القريبة، ولحسن الحظ بقي على قيد الحياة .
<table border="0" cellpadding="0" cellspacing="0"><tbody><t r><td style="width:250px;" align="center"></td> <td style="width:10px;">
</td> <td>
</td> <td>
</td> <td>
</td> </tr> <tr><td style="vertical-align: top; text-align:center;">والجزء الخلفي منفصل تماما</td></tr></tbody></table>

[يحيى سعيد]

لو تخطى العداد 120 و حصلت الحادثة" كل العربيات تتساوى " فى حجم تلفيات السيارة و عدد الضحايا

[miam0502788391]

الصور بتوضح ان العربية اتفتحت من بعضها مش اتفسخت نصفبن وده دليل على ضعف الشاسيه

[nktis]

هار اسود , من يومين شفت علي التلفزيون تصنيع سياره رياضيه في مصانع لكزس اليباني .,. وهم بجد , كميه اختبارات صعبه علي الشاسيه فقط لوحده و كل قطعه لوحدها مع ان اغلب السياره كاربون فيبر .,. ناس بتخاف علي المستهلك قبل ما تخاف علي سمعتها ...

[AbOnOrA]

هو ده بالظبط يادكتور .. اللى قولته ده هو الفيصل فى الموضوع كله
زمان كانت الشركات الكبيرة زى مرسيدس مثلاً بتعمل اختبارات السلامة بنفسها ووفقاً للمعايير اللى شايفاها مناسبه او كافيه للبراند بتاعهم فى عيون مستهلكيهم ومع الزمن قدرت شركات زى مرسيدس وفولفو تحفر اسمها حفر فى عالم الامان والمتانة وتحط هى بنفسها معايير للاتنين الشركات اللى بعدهم تحاول توصلها
لحد ما جه اليوم اللى اتعملت فيه اختبارات السلامة القياسية وديه اللى انا شايفها بحكم واقع التجربة اللى بقالها سنين دلوقتى انها مجرد اداة تسويق اضافيه فى ايد الشركات لرفع اسهمها فى عيون المستهلك وكوسيلة من جملة وسائل لنيل الاعتمادات والتسهيلات لاقتحام الاسواق الجديدة
المشكلة فى اختبارات السلامة ديه زى ال NCAP الاوروبية وغيرها من النسخ بحسب البلدان انها المفروض تقييم مدى متانة وامان العربيه بشكل (((مبدئى))) يعنى كدة يقولك بس ان الاساسيات موجودة وانها معقولة لحد سرعة 60 كم تقريباً بعد كدة معاك ربنا بجد
وبعد كدة طبعاً عربيه عن عربيه بتفرق والقفص اللى ممكن يحمى الركاب لحد قوة الاصطدام الناتجة عن تصادم امامى غير اللى بزاوية غير الجانبى غير التصادم على سرعة 100 غير على سرعة 120 زى ما زميلنا الاستاذ يحى ما قال لكن طبعاً مش كل العربيات زى بعد بعد ال 60 او ال 80 لكن اغلب العربيات بعد السرعات او فى تصادم (( غير قياسى )) النتائج ممكن تبقى كارثة لكن مين يعرف ومين يفهم ويقولك ديه واخدة 5 نجوم فى الامان تبقى خلاص انط بيها من فوق الكوبرى عادى مش هيحصلى حاجة

ناس كتير بتفهم من ارائى عن وسائل الامان والسلامة انى مش مقتنع بيها بالعكس انا مقتنع بيها جداً وبطالب باعفائها من الجمارك تماماً بل والزام الشركات باستيراد او تجميع السيارات بعد استيفاء الحد الادنى منها وبدون اى اعباء على ما زاد عن الحد الادنى طالماً تحت بند الحفاظ على الحياة وسلامة الراكب

لكن مشكلتى مع تسويق الوسائل ديه اللى بيوصل الى حد الخداع وبيوصل بالقائد الى حد الاستهتار اعتماداً على كفائه الانظمة ديه اللى زيها زى اى انظمة تانية فى العربيه وارد فيها العطل او القصور

فخلاصة قناعاتى ان العربيات الكورى وكتير من اليابانى كل اهتمامهم فى التصميم انهم يادوب يوفو معايير السلامة (( القياسية )) ديه فقط وهى بالطبع غير كافية
وان الحكومات واجبها الرقابة والالزام على الاقل مش هنقول يعملو معهد ابحاث للسلامة والامان زى اللى بره بس على الاقل يلزمو الوكلاء والمصنعين بمعايير المتانة والسلامة وطبعاً طبعاً متاخدش جباية ((جمارك)) على وسائل الامان كمان
واخيراً لكل اللى بيشترى عربيه علشان واخدة 4 ولا 5 نجوم فى اختبارات السلامة بقوله ديه كلها ارقام للاستهلاك التسويقى اكتر من كونها دلالات حقيقية على متانة او سلامة
وزى ما قال زميلنا بعد ال 100 كمان اغلب العربيات سيئه وبالاخص الاسيوى وبالاخص اكتر الصينى طبعاً وربنا يكفينا جميعا شر الطريق يارب