كومبيوتر اللانسر

[ahmed_eng2001]

حصل مع صديقى موقف انا شايف ان لازم يعرفه كل مالكى اللانسر البومة ( انا واحد منهم ) :-

جه يدور العربية مردتش تدور ( عربيته مو 2006 سوبر اكشن 1600 ) , راح جايب كهربائى عشان يدور له العربية , حاول الكهربائى يشوف فيها ايه , و اعد يجرب فيها , بس معرفش
صاحبى راح جايب الونش و شايلها هيلا بيلا و على التوكيل , و فى التوكيل كشفوا على العربية قالولو ان الكومبيوتر اتحرق ptmnlo123per144
اعدوا يسألوه ايه الى حصل فاكتشفوا التالى :-

ابنه حدف المفتاح من الدور التانى , وقع و اتكسر , صاحبى جرب يفتح العربية لقى العربية بتفتح عادى بس مش راضية تدور , اتارى فيه مكون اتكسر من المفتاح و المكون ده هو الى بيعرف المفتاح بالكومبيوتر بتاع العربية , عشان كدة العربية ما كانتش راضية تدور

لما جاب الكهربائى , الكهربائى كان فاكرها زى الـ 128 و اعد يجيب سلكة و يعمل قفلة على المارش و قفلة على البطارية و قعد يجرب و يلعب فى كل حاجة , فعمل قفلة فى حاجة و حرق الكومبيوتر بتاعها

المهم العملية دى كلفته حوالى 10 الاف جنيه تقريبا , المفتاح المشفر سعره 800 جنيه , الكمبيوتر سعره 7000 جنيه و تركيبه 300 جنيه و باقى الـ 10 الاف جنيه ضرائب

الدروس المستفادة :-

1- مفتاح اللانسر مشفر , محدش يرميه من البلكونات و نتعامل معاه بحنية و حب و حنان كمان
2- محدش يخلى كهربائى يلعب فى العربية , ظبط كهربة العربية يبقى فى التوكيل ( و حسبى الله و نعم الوكيل فى اسعار التوكيل )
3- اتوصوا بالكومبيوتر خير عشان غالى ptmnlo123per144 و برضه نعامله بكل حب و حنية

و خلوا بالكوا من كومبيوتراتكوا ptmnlo123per111

[احمد بدر1978]

لية ب7000 دة مركتة اية لاب توب توشيبا ولا سونى واللة حرام

[mesho70]

بجد شكرا ً جدا ً اخى احمد عالنصائح الغالية

وانا شايف ان اللى عمل المشاكل دى كلها الكهربائى لان نفس الموضوع حصل معى فى

عربية فيات سيينا 1600 ولكن فالتوكيل بتاع ابو رواش صلحوة واخد علية 1000

جنية اصلاح وكان المهندس متعاطف جدا ً لانة اخد اكتر من 27 الف جنية ( تخيل )

عمرة كاملة ووش سلندر وفتيس ................... الحمد للة على كل حال

[ahmed_eng2001]

المشاركة الأصلية كتبت بواسطة احمد بدر1978 لية ب7000 دة مركتة اية لاب توب توشيبا ولا سونى واللة حرام

انا كنت فاكره اغلى من كده و حصل خير ptmnlo123per172

[ahmed_eng2001]

المشاركة الأصلية كتبت بواسطة mesho70 بجد شكرا ً جدا ً اخى احمد عالنصائح الغالية وانا شايف ان اللى عمل المشاكل دى كلها الكهربائى لان نفس الموضوع حصل معى فى عربية فيات سيينا 1600 ولكن فالتوكيل بتاع ابو رواش صلحوة واخد علية 1000 جنية اصلاح وكان المهندس متعاطف جدا ً لانة اخد اكتر من 27 الف جنية ( تخيل ) عمرة كاملة ووش سلندر وفتيس ................... الحمد للة على كل حال

يا باشا ربنا يكرمك و يعوض عليك فى الفلوس الكتيرة اوى دفعتها فى العمرة
المهم انه فى التوكيل المهندس قاله :- اعمل الى انت عاوزه فى الميكانيكا برة زى ما انت عاوز , بس الكهربا لازم تعملها فى التوكيل عشان تظبيط الكومبيوتر و السناسر و الحاجات دى