تجربتى مع توكيل تويوتا اسكندريه فرع محرم بك (المنطقه الصناعيه)

[hhhesham]

أولا انا كنت بكره التويوتا جدا بسبب شكلها ولكن حصل و اشتريت تويوتا ياسر موديل 2008 الحمد لله العربيه حالتها ممتازه بس كان فيها شوية حاجات كده قلت اعملها فى التوكيل علشان كل صيانتها فى التوكيل نيجى بقى المعامله إللى كانت اكتر من ممتازه ومكان الاستراحه جميل و مريح و فيه اكتر من امتيار و فيه انترنت مجانى و كل ده جمب العربيات الجديده المتاحه للعرض و اهم حاجه انهم حددو معاد استلام فعلى استلمت العربيه فيه

الشغل اللى مان فى العربيه اتعمل و كلو تمام و العربيه اتغسلت كويس مش شويه مياه و خلاص

هما غاليين شويه خصوصا قسم الاكسسوارات بس المعامله الكويسه بقت نادره اوى دلوقتى و يدفع فيها اى حاجه





اسف على الاطاله بس انا حبيت انقل التجربه للكل و شكرا



Sent from my T100TA using Tapatalk

[نبيل عبدالرحمن]

فعلاً الشركة دى محترمة جداً فى تعاملها مع الزبون ، وأنا لما كان عندى تويوتا كنت بأروح مركز الصيانه بتاع شركة الرزق توكيل تويوتا بالطريق الصحراوى وكنت بلاقى معاملة فوق الوصف لغاية ما فتحوا مركز خدمة مصغر لسيارات تويوتا فى محطة بنزين إسو قبل مديرية الأمن بسموحه ، الميزه فى المركز ده إنك بتقف مع الصنايعية وهمة شغالين وتقدر تقول لهم على أى ملاحظه وبصراحة مهندس الإستقبال ممتاز ومريح فى التعامل

[hhhesham]

حتى لو عربيتهم وحشه مع انها حلوه بس تخليك تشترى منهم العربيه





Sent from my T100TA using Tapatalk

[echonight]

ممكن عنوان التوكيل عاوز احجز الكورولا و مش عارف المكان فين في الاسكندريه

[hhhesham]

بص يا باشا انت تفضل ماشى فى الطريق بتاع الموقف و كانك طالع الساحل حتلاقى علامة تويوتا و علم مكتوب عليه تويوتا كبير خش الشارع ده و اخره خش يمين حاتلاقى التوكيل على يمينك