مشكلة غريبه فى زيت الفتيس

[mohamed200]

سلام عليكم ورحمة الله وبركاته

عندى مشكلة غريبه حصلت فى الفيرنا يا ريت حد من الفيرناوية يفيدني بسببها .

من فترة حسيت بخشونة بسيطه فى الفتيس وبالذات فى الغيار الأول وساعات بتختفي قولت ان المشكلة فى الزيت اروح اغيره احسن او ازوده
روحت للراجل بتاع زيوت علشان اغير الزيت وجينا ننزل الزيت القديم بنبص لقينا مفيش نقطة زيت نزلت ! قولنا ممكن فيه تسريب فى الزيت او حاجه وده سبب الخشونة
المهم قولتله زود يا عم الحج الزيت فالكارتيره اخدت كيلو بالعافيه وبدأت وتوقع بعد الكيلو مع انه المفروض انها بتاخد اتنين كيلو

فياريت حد يفيدني الزيت القديم منزلش ليه او راح فين وليه الفتيس مأخدتش الا كيلو زيت

مع العلم ان الخشونة اللى فى الغيار الاول لسه زي ما هي مراحتش فاحتمال تكون من جلده الفتيس

بانتظار رد الفيرناوية

[M.TONSY]

اولا يا باشا فتيس الفيرنا بياخد 2 لتر وبعدين متحطش زيت سايب من عند بتوع الزيوت لانهم بيستخدموا انواع تقيلة متنفعش للفيرنا وممكن تبوظلك الفتيس وتضرب الاويل سيلات بتاعة الفتيس لما تيجى تحط تجيب عبوات شل او موبيل وزن 1لتر
والغيار الاول فى الفيرنا طبيعى انه ليه صوت ونة بسيطة زى صوت الريزرف بتاع المارشيدير بس اخف طبعا وتقريبا الشركة قاصدة ان يكون الصوت ده مسموع علشان متمشيش فترة على الاولانى لانه غلط للفتيس .... والله اعلم

[ايمن منصور ((عباسى ))]

انا حصل معايا نفس الموضوع بعد ماشتريت العربيه وهي لسه زيرو
حسيت بعضه في الغيار رحت كشفت علي زيت الدربوكس لاقيته ناقص زودته اخدت كيلو
يعني هي طالعه من المصنع ناقصه
بس انا عايز اقلك علي حاجه
خد بالك لو حاطط الدواسه تحت البدلات علشان كده ممكن متخليش الدبرياج يوصل للاخر لان دبرياج الفيرنا واطي فتاكد او جرب شيل الدواسه خالص وشوف ايه الي حيحصل وهل عربيتك زيرو او موديل كام

[mohamed200]

المشاركة الأصلية كتبت بواسطة tonsy1979 اولا يا باشا فتيس الفيرنا بياخد 2 لتر وبعدين متحطش زيت سايب من عند بتوع الزيوت لانهم بيستخدموا انواع تقيلة متنفعش للفيرنا وممكن تبوظلك الفتيس وتضرب الاويل سيلات بتاعة الفتيس لما تيجى تحط تجيب عبوات شل او موبيل وزن 1لتر والغيار الاول فى الفيرنا طبيعى انه ليه صوت ونة بسيطة زى صوت الريزرف بتاع المارشيدير بس اخف طبعا وتقريبا الشركة قاصدة ان يكون الصوت ده مسموع علشان متمشيش فترة على الاولانى لانه غلط للفتيس .... والله اعلم

تمام يا غالي انا فعلا كنت جايب 2 ليتر موبيل زيت تروس علشان اغيره باللى موجود

اللي انا مستغربله ازاى الزيت القديم منزلش وازاى الفتيس مأخدتش الا كيلو واحد بس

[mohamed200]

المشاركة الأصلية كتبت بواسطة ايمن منصور انا حصل معايا نفس الموضوع بعد ماشتريت العربيه وهي لسه زيرو حسيت بعضه في الغيار رحت كشفت علي زيت الدربوكس لاقيته ناقص زودته اخدت كيلو يعني هي طالعه من المصنع ناقصه بس انا عايز اقلك علي حاجه خد بالك لو حاطط الدواسه تحت البدلات علشان كده ممكن متخليش الدبرياج يوصل للاخر لان دبرياج الفيرنا واطي فتاكد او جرب شيل الدواسه خالص وشوف ايه الي حيحصل وهل عربيتك زيرو او موديل كام

تسلم يا باشا على الرد هي العربيه موديل 2007 بس مأظنش ان المشكلة من الدواسة بس نجرب