محتار بين peugeot 206 و opel vectra

[nems2009]

يا جماعة انا محتار جدا بين العربيتين دول
بصراحة انا اشتركت فى المنتدى النهاردة عشان استفسر لانى استفدت كتير من المنتدى وانا زائر ودى اول مرة اشترى عربية ولا افقه فيها شئ مع العلم ان فى حد من العيلة خبير يوم ماقرر هيكون معايا وهيبصلى عليها

استخدامات العربية :

• تقضية مشواير
• لف مع صحابى
• سفر كل 3 شهور لظروف الدراسة (600 كيلو)
• مش هتفرق معايا السرعة جامد لانى متعلم جديد ودى اول عربية ليا فا مش هقرص عليها اوى فى السرعة والغرز والكلام ده يعنى هتبقى استخدام طبيب :D

الميزانية : 35~45 ألف جنيه

مانيوال ولا اتوماتيك : انا متعلم على مانيوال وسواقة المانيوال بالنسبة لى مش مشكلة كبير ولا عندى اهتمام بالموضوع ده فا مفيش مشكلة لو مانيوال.

الفكرة بقى هل بالميزانية دى اجيب opel vectra من 96 ل 99 ولا بيجو 206 من 2001 ل 2005

انا كنت الاول متعلق بالفكترا ومش فى بالى غيرها لكن لما شوفت البيجو دخلت دماغى اوى حسيت انها شبابية اكتر بكتير وخصوصا انى 21 سنة

ده غير ان الأوبل سعرها أغلى وممكن الميزانية تعجز فانا فكرت اجيب البيجو ابدأ بيها ولو عجبتنى اكمل بيها لو معجبتنيش ممكن بعد مدة ابيعها واجيب الفيكترا

حاجة كمان انا فى فرد من افراد الأسرة عندو اعاقة ( بتر كامل فى القدم اليسرى) فكرت استغل الميزانية دى فى عربية معاقين كويسة واكسر حظرها ب 10000 زى ماقريت على النت لو فى الحالة دى ممكن ازود 10000 مش مشكلة لكن صعب اجيب عربية ب 55 لانى هزود الميزانية للضرورى القصوى فقط

اتمنى اسمع ارائكم وياريت اللى يرد يكتب رد كامل عشان ارتاح نفسياً واقرر القرار النهائى

[miam0502788391]

مش عارف اقولك ايه فى الأختيار
لكن انا حاسس لو اخترت حاجة تقليدية منتشرة افضل لحضرتك خصوصا ان لسة جديد فى السواقه
يعنى بالسعر ده ممكن تشترى لانوس بحالة جدية جدا او فيرنا ووقت ما تحب تغير هيتباعوا افضل من البيجو والأوبل
موضوع اختيار الاوبل أو البيجو يتعلق بمدى توافر صيانة العربيتين فى منطقة حضرتك يعنى فى صنايعى بيفهم وفيه قطع غيار منتشرة

[mr_astra]

مش هاقدر احكم على البيجو لانى ما امتلكتهاش ولا اعرف حد معاه
انما الاوبل انا ممكن اتكلم عنها للصبح
عربية فوق الممتازة وعلى فكرة بتليق على الشباب والعواجيز ....اصلا تصميمها كان سابق وقتها ( راى شخصى )
بالفلوس اللى معاك ممكن نجيب حاجة 96 مانيوال الموتور الاسود
مع طقم صوت وجنوط وفوجات هاتبقى ممتازة معاك

بالنسبة لعربيات المعاقين ما بقتش تفك الحظر خلاص

[nems2009]

المشاركة الأصلية كتبت بواسطة miam0502788391 مش عارف اقولك ايه فى الأختيار لكن انا حاسس لو اخترت حاجة تقليدية منتشرة افضل لحضرتك خصوصا ان لسة جديد فى السواقه يعنى بالسعر ده ممكن تشترى لانوس بحالة جدية جدا او فيرنا ووقت ما تحب تغير هيتباعوا افضل من البيجو والأوبل موضوع اختيار الاوبل أو البيجو يتعلق بمدى توافر صيانة العربيتين فى منطقة حضرتك يعنى فى صنايعى بيفهم وفيه قطع غيار منتشرة

ماهو للاسف عشان قطع غيارهم منتشرة اسعارهم عالية يعنى النوبيرا او الفيرنا اسعارهم بتبدأ من 50 ده غير انهم عربيتين تقليدين ومنتشرين جداً ومش هيكونو حلوين على الطريق فى السفر
بخصوص منتطقتى انا ساكن فى القاهرة واعتقد ان القاهرة معظمها صنايعية ويوم مايحصل حاجة لا قدر الله هروح للحرفيين اظبط العربية لانى قريت فى المنتدى هنا ان الحرفيين فيها كام واحد مشهورين لصيانة الاوبل والبيجو وكمان اسعارهم حلوة

المشاركة الأصلية كتبت بواسطة mr_astra مش هاقدر احكم على البيجو لانى ما امتلكتهاش ولا اعرف حد معاه انما الاوبل انا ممكن اتكلم عنها للصبح عربية فوق الممتازة وعلى فكرة بتليق على الشباب والعواجيز ....اصلا تصميمها كان سابق وقتها ( راى شخصى ) بالفلوس اللى معاك ممكن نجيب حاجة 96 مانيوال الموتور الاسود مع طقم صوت وجنوط وفوجات هاتبقى ممتازة معاك بالنسبة لعربيات المعاقين ما بقتش تفك الحظر خلاص

طبعا الاوبل شكلها حلو وشبابى ولكن لو قارنتها بالـ 206 هتحسها عربية عواجيز
بخصوص 96 انا كنت عاوز حاجة الشكل الجديد فهل هتفرق كتير لو جبتها 96 من 97 او 98 ؟

وبخصوص عربيات المعاقين ليه مبقاش يتفك حظرها؟؟؟

[mr_astra]

المشاركة الأصلية كتبت بواسطة nems2009 ماهو للاسف عشان قطع غيارهم منتشرة اسعارهم عالية يعنى النوبيرا او الفيرنا اسعارهم بتبدأ من 50 ده غير انهم عربيتين تقليدين ومنتشرين جداً ومش هيكونو حلوين على الطريق فى السفر بخصوص منتطقتى انا ساكن فى القاهرة واعتقد ان القاهرة معظمها صنايعية ويوم مايحصل حاجة لا قدر الله هروح للحرفيين اظبط العربية لانى قريت فى المنتدى هنا ان الحرفيين فيها كام واحد مشهورين لصيانة الاوبل والبيجو وكمان اسعارهم حلوة طبعا الاوبل شكلها حلو وشبابى ولكن لو قارنتها بالـ 206 هتحسها عربية عواجيز بخصوص 96 انا كنت عاوز حاجة الشكل الجديد فهل هتفرق كتير لو جبتها 96 من 97 او 98 ؟ وبخصوص عربيات المعاقين ليه مبقاش يتفك حظرها؟؟؟

الشكل الجديد من اول 96 لكن الشب دة فى مكنة شكلين اسمهم B1 & B2
الاخير فارق موجود فيه العتب ....والاكصدامات بيكون فيها فوجات ,وطبعا تارة الدركسوين مختلفة
والفوانيس بقت حتة واحدة مش فانوس واشارة
الاكصدام الخلفى مختلف شىء ما
لون الفرش مختلف
وفروق بسيطة تانى
بس كل حاجة واحد
حتى الموتور نفسة موجود فى المودلين متغيرش فية اى حاجة