الحمد لله ... الكارت الذكى وصل اليوم, بس عندى إستفسار

[zing0]

السلام عليكم
رغم الشك فى التوابع المتوقع حدوثها فيما بعد من هذا النظام بس ده أمر واقع
التقديم عن طريق النت, و التسجيل بكل بيانات العربية و صاحبها و ناقص يعرفوا لامؤاخذة مقاس الشوز بتاعك !!!
قدمت و عملت التوصيل عالبيت عن طريق شركة شحن بأجر 20 ج
(مش كتر فلوس بس برضه لثقتى فى البريد المصرى إللى معندوش حاجه بتروح)
فى يوم 10/2 وصلت رسالة عالموبايل من شركة aramex لخدمات الشحن و التوصيل و قالوا التوصيل خلال 3 أيام و إستنيت و لا حد سأل, أتصلت عالشركة (رقمهم فى الرسالة), إعتذروا لوجود ضغط و قالوا خلال 3 أيام كمان. و هكذا كل شوية أتصل و أهزأهم بالأدب و أخيراً قولتلهم هأقدم شكوى.
المهم النهاردة أتصلوا و بعتوا الكارت فى مظروف مرفق و معاه الرقم السرى و ورقة مطبوعه بقواعد و مزايا الإستخدام, و أخدوا صورة الرخصة و البطاقة و إللى فيه النصيب.

قريت الورقة و آخر نقطة فيها زودت شكوكى فعلاً :

كافة العمليات التى تتم باستخدام البطاقة على آلات نقاط البيع بإستخدام رقم التعريف الشخصى الخاص بالبطاقة هى مسئولية صاحب البطاقة مسئولية مطلقة و لا يحق له الإعتراض على تلك العمليات.

- يعنى لو عامل البنزينه حط 20 لتر و كتب أنك أخدت 30 يبقى مسئوليتك أنت و مش من حقك تعترض عليه أو تشتكيه لمدير المحطه مثلاً ؟؟؟
مش فاهم النقطة دى, لو حد فاهم قصدهم إيه ياريت يقولى.

[bunnybunny77]

انا بردو مش فاهم لو بعت العربية لازم الغى الكارت عشان اعرف اعمل كارت للعربية الجديدة؟ انا رايى انه كان المفروض تتحط شريحة الكترونية زى بتاعت الموبيل فى جسم رخصة العربية عليها كل بيانات الرخصة+ رقم حساب البنزين و تكون مقرؤة اليا , و يرتاحو و يريحونا و الشريحة مبتتكلفش حاجة دلوقتى