ورشة أحمد مهران لصيانة السيارات اليابانى والكورى والصينى

[أحمد فاروق سيد]

ورشة أحمد مهران
لصيانة السيارات اليابانى والكورى والصينى



يوجد موضوع للأستاذ أبو إسماعيل

بعنوان
حد يعرف(عن تجربه شخصيه)....ميكانيكى فاااااهم

وكانت لى مشاركة بهذا الموضوع ... نصها

المشاركة الأصلية كتبت بواسطة أحمد فاروق سيد أحمد مهران بس هو ورا توكيل مرسيدس اللى فى الملك الصالح هو كان شغال فى كيا ودلوقتى شغال فى تويوتا عن تجربتى وتجربة الآلاف فوق الممتاز وتخصصه يابانى وكورى وصينى لو عندك أستعداد تروح عنده فى الملك الصالح أكتبلك التفاصيل وأزاى تروحله وكل البيانات عنه

وبعدها قد جاءتنى رسالة خاصة من الأستاذ أبو إسماعيل يطلب فيها معلومات أكتر عن أحمد مهران و حيث أن الرد فى رسالة خاصة لن يفيد سوى شخص واحد فقط



فأحببت أن يكون النفع عام للجميع
ربما يحتاج أحد منا الذهاب إليه

خبراته طبقاً لروايته : يعمل حالياً بتوكيل تويوتا
وسابقاً بتوكيل كيا

والحق يقال هو على كفاءة فنية عالية جداً
وذلك بشهادة كل مَن يذهب عنده
وقد تميز جداً جداً جداً فى موديلات أسبرانزا بالتحديد
سعر المصنعية عنده مش غالى على الإطلاق

وبعون الله يجد حلول لمعظم مشاكلها
وإن لم يعرف المشكلة لا يعمل فى السيارة
وينصحك بالتوكيل

والأهم أنه عنده جهاز كشف الأعطال
وقيمة أستخدام الجهاز لأعضاء مصر موتورز 20 ج
وهو يجهز الآن حسب روايته لتشغيل السينسور باركينج الخاص
بالسيارة A516 ليعمل على شاشة العدادات

كيفية الذهاب إليه



بعد النزول من كوبرى الملك الصالح للقادم من المعادى
ستجد توكيل مرسيدس على يمينك .... أدخل من جانبه
كما ستوضح الصور



التوكيل على يمينك وأدخل هذا الشارع لنهايته



نهاية الشارع سور مترو الأنفاق ... أدخل شمال
وبعد 20 متر الورشة على أيدك اليمين








وفى النهاية
هو ده أحمد مهران



وأتمنى أن اللى يجرب شغله ينقل لنا تجربته
علشان الكل يستفيد

[hazem_khidr]

شكرا علي النصيحه يا احمد باشا
ايه الوصف الدقيق بالصور دا
لا بجد اسلوب رائع
انا عاوز اظبط تاكيهات اللانسر عندي لو هو كويس اسافر له مخصوص املها
و اخليه يراجع علي الكهربا و الكاتينه

[Ahmed Anwer]

جزاك الله خيرا

[حازم شاهين]

المشاركة الأصلية كتبت بواسطة kaskary2000 يا جماعه انا عاجز عن الشكر لكم جميعا على اهتمامكم و سرعت الرد انا بحمد لله تعالى ربنا اكرمنى بمعرفة اخ عزيز المهندس احمد مهران عنده كل قطع الغيار و تركيبها ايضا بس عايز اقلوكم انه انسان نادر و الله بنى ادم قمه فى الخبره ضبط السياره و عمل الصيانه الازمه بالكامل وغير سير الكاتينه و تانى يوم رحت عنده ضبط العفشه .... لى تجربه عايز احكيها لكم انا من ساعة ماشتريت العربيه و انا عايز ابيعها لانها مش عجبانى خالص مشكلتى كانت فى اللعفشه على طول رجرجه فى اقل مطبات عند 1000كم رحت اول صيانه وقلت لهم ان فى رجرجه تحت عجلة القياده و ايضا فى الشنطه باليمن قالولى معليش ده عيب بالسياره و سوف ياتى تعديل من الصين و هيتعمل طيب فى تانى صيانه سالتهم التعديل جاء و لا لسه قالولى كبر دماغك ده رجرجه خفيفه يعنى فبر يخبط فى بعضه مفيش خوف طيب امرى لله والخبط الى ورا قالولى الصيانه الجايه نعملها علشلن الوقت اتاخر طيب و بعدين ظهر عيب اخر فى الشكمان رحت الصاينه بعدها 5000كم مش عايزين يعترفو بمشكلة الشكمان الى بخناقه و التخبيط الخلفى زى ماهوا المهم انا حلفت انى مش هروح التوكيل تانى من ساعتها معملتش اى صيانه للعربيه لحد ما ربنا كرمنى بالمهندس احمد وفى خلال 3 ساعات يفك العفشه من تحت و يضبط شويه حاجات ببساطه جدا و بعدين اجرب العربيه اجد ان الرجرجه راحت و الخبط الى فى الخلف انتهى والعربيه بقت تمام ......شىء غريب جدا يعنى هم فى التوكيل مش عرفين يعملو الحاجات الى عملها المهندس احمد اخوانى التجربه دى خلتنى العن التوكيل و اندم على كل مليم دفعته ليهم لانى صلحت العربيه بربع تكليف التوكيل و افضل مليون مره من التوكيل يا جماعه لابد من وقفه قويه ضد التوكيل لابد من مقطعة التوكيل تماما و لابد ان نخليهم يراجعو انفسهم تانى واحنا لان نقبل ان يتنصب علينا تانى سامحيونى على الاطاله بس لابد انى اضع بين ايدكم تجربتى علشان الى فى ورطه مع التوكيل ياخذ باله جزيل الشكر لكم اعزائى و لك اعضاء المنتدى

مشاركة اﻷخ kaskary2000 بخصوص صيانة سيارات إسبيرانزا عند أحمد مهران

[احمد على 1999]

الناس الى زى الراجل ده عملة ناااااااادرة ربنا يباركله شكلى حبقى اجيله من اسكندرية مخصوص