ارجو الافادة

[محمدنصار]

انا لسا شارى عربيه سكودا فيليشيا 97 وظهرت عيوب بعد فتره وهى كالاتى

تتيش وسماع صوت فرقعه وانا ماشى

نصحى اكتر من ميكانيكى بتغيير الكرباتير لانه كان بيدوخنى الصبح ف الدواره

المهم ف يوم عطلت ع الطريق والكهربائى قالى اشتريلى مشط اسبراتير والملف الاسمر دا اللى جوه الاسبراتير اللى خارج منه سلك ع الموبينه وبالفعل عملت كل دا ولكن لسا العيب موجود وهو ان العربيه بتفصل وهى سخنه ومترضاش تدور غير لما تبرد

بالفعل اشتريت كرباتير جديد وظبط الكهربا والعربيه مبقتش تنتش وصوت الفرقعه اختفى

ولكن يوجد رائحه بنزين وعادم غير مرغوب فيها وانا ماشى ع الثالث والرابع فما سببها؟؟؟

ومازالت العربيه تفصل منى وانا ماشى ع السريع ومترضاش تدور غير لماتبرد

وعايز اعرف ازاى احكم على الكرباتير اللى اشتريته اصله مستعمل قبل كدا وعايز اعرف كفائته ؟؟

ولكم جزيل الشكر

[mr_astra]

عيب التبطيل لما العربية تسخن اعتقد انة من البوبينا ودى مش بتتصلح
انما ريحة البنزين الكربراتير الاستيراد محتاج يتظبط لانة كدة بيرمى بنزين اكتر من اللازم

[محمدنصار]

الكربراتير القديم كان فيه نفس المشكله موجوده وهى رائحه البنزين الغير مرغوب فيها

فهل نفس المشكله موجوده ف الكربراتير الجديد الله اعلم وياريت حد يقولى اتاكد ازاى

لو علبه الشكمان مخرومه ولا لا لان عربيتى واطيه واتحكت منى من تحت كذا مره فهل علبه الشكمان اتخرمت ولا لا

اعرف ازاى ؟؟؟

شكرا مستر استرا على ردك واهتمامك

[zing0]

الموبينه بتفصل
غيرها بواحده إلكترونى, و بلاش الموبينه الكوز بقت مضروبة
الكربراتير عاوز زيارة لمتخصص كربراتير يضبطهولك و لو محتاج صيانة أو تغيير بكات أو أى حاجه يعملهالك
و من رأيى علشان بتوع الكربراتيرات معظمهم بيهبل دلوقتى, تروح لواحد سواقين التاكسى بيروحوله
ممكن البشمهندس معتز بتاع دار السلام, ممتاز
لو عاوز بياناته تابع مواضيع الأستاذ سيد عصام مشرف الفيات هنا فى المنتدى, ربنا يباركله ,هو إللى دلنا عليه

[محمدنصار]

انا من طنطا وفعلا الصنايعى بتاع الكربراتير بيقولى الكربراتير ممتاز ومفهوش مشكله

وبالفعل سواقين التاكسى كتييييير اوى عند الصنايعى دا

وعايز افهم ايه الحكمه من ان سواقين التاكسى بيروحوله ؟؟؟

وشكرا على ردك واهتمامك