مش فاهم اى حاجه خاالص

[M Farag]

العربيه لسه جايبها من اسبوع 131 العربيه نضيفه جدا الحمد لله وكل الناس بتشكر فيها
امبارح وانا ماشى بالعربيه بطلت مره واحده ادورها تشتغل اجي ادوس دبرياج تبطل
عملت الموضوع ده مرتين وبعد كده مبقتش تدور نهائى المارش يعتل
رحت النهارده الراجل دور العربيه بوصله من بطاريه تانيه دارت على طول
وقالى برضه عايزه طقم بوجيهات وسلوك جبتهم والحمد لله العربيه دارت معايا كويس
بعد ما خدتها ومشيت شويه اول ما بطلت العربيه بعدها ب 10 دقايق حلفت انها ما تدور تاني لغاية ما عملت وصله تانيه ومشيت الحمد لله
السؤال بقي انى بقيت اسمع صوت تخبيط جامد وبيزيد كل ما ازود بنزين وبيخف اول ما اجيب التالت
بعد ما ركنت العربيه بفتح الكبوت لقيت فى دخان خارج من الفايظ بتاع الزيت
ولقيت العربيه ظهر ف التابلوه لمبه حمرا مكتوب فيها GEN واطفت تانى
وحاسس ان العربيه بتسخن جامد حتى لو فى مشوار 10 دقايق وبالليل كمان

بعد كده فكيت البطاريه شحنتها وركنت العربيه على كده ومش عارف اعمل ايه
ياريت حد يفيدنى ف الموضوع ده
انا عارف ان حوار تخبيط مع دخان فايظ يعنى طقم شنبر بس الراجل كان قايل انه لسه عاملهم جديد
واول ما جبت العربيه مكنش فيها الموضوع ده

[احمد على 1999]

ممكن يكون الدينامو لسبب ما مبيشحنش او البطارية عايزة تتغير
المهم بقى الماتور
لازم ميكانيكى يبص عليه لان صوت الخبط دا مش كويس خالص
ممكن يكون هو كان عامل الشنبر بس الماتور من تحت من الكرنك بيرزع
او مجرد ظبط تاكيهات

[M Farag]

شكرا على الرد يا استاذ احمد
طب ولو ظبط تاكيهات يخلى الدخان طالع من فايظ الزيت ده ؟
و اللمبه اللى بتظهر ف التابلوه باسم GEN ده موضوعها ايه ؟

[mr_astra]

امبارح وانا ماشى بالعربيه بطلت مره واحده ادورها تشتغل اجي ادوس دبرياج تبطل

كدة احتمال يكون هلايل الكرنك مبوشة

السؤال بقي انى بقيت اسمع صوت تخبيط جامد وبيزيد كل ما ازود بنزين وبيخف اول ما اجيب التالت

ماشى لنفس السبب لو ان الكرنك مبوش (هلايل +كراسى كرنك) اكيد هاتسمع صوت ترزيع وتخبيط فى اخر الغيار

بعد ما ركنت العربيه بفتح الكبوت لقيت فى دخان خارج من الفايظ بتاع الزيت

دى بقى اللى غريبة لان دة بيدل على عدم احكام الشنابر وحضرتك بتقول ان المالك القديم لسة عامل طقم شنبر

احساسى من سردك للمشكلة حاجة من اتنين
اما ان فى شنبر مكسور او حتى بستم مكسور
او ان الكرنك عاوز يتجلخ (يتخرط) ويركب على نضافة
وكمان العربية دة عاوزة تظبط كهرباء (اسبراتير )

[M Farag]

المشاركة الأصلية كتبت بواسطة mr_astra كدة احتمال يكون هلايل الكرنك مبوشة ماشى لنفس السبب لو ان الكرنك مبوش (هلايل +كراسى كرنك) اكيد هاتسمع صوت ترزيع وتخبيط فى اخر الغيار دى بقى اللى غريبة لان دة بيدل على عدم احكام الشنابر وحضرتك بتقول ان المالك القديم لسة عامل طقم شنبر احساسى من سردك للمشكلة حاجة من اتنين اما ان فى شنبر مكسور او حتى بستم مكسور او ان الكرنك عاوز يتجلخ (يتخرط) ويركب على نضافة وكمان العربية دة عاوزة تظبط كهرباء (اسبراتير )

طب يعنى انا كده داخل على عمره ؟
مش موضوع ظبط تاكيهات
معلش لسه جديد ومش فاهم كتير فى الميكانيكا