اسكودا اوكتافيا2003 a4

[ابوشيماء]

السلام عليكم اخوانى فى المنتدى العزيز انا عندى اوكتافيا a4 موديل 2003 هى معاقين انا جايبها من سنة تقريبا من بورسعيد كاملة مانوال والحمد لله العر بية طلعت زى الفل وكمان متورها تربوا انا الان ماشى بيها حوالى 15 الف كيلو ومن ساعة ما جبتها كل اللى عملتة فيها هو تغير الزيت والبنزين والحمد الله والحمد الله العربية ماشية تمام الابعض المشاكل يعنى ضعف تيل الفرامل وكمان لمبة ال epc دى منورة عندى فى التابلوة بس عايز اخد راى حضارتكم فى حاجة انا محتار فيها كنت عايز اروح بيها مركز متخخص علشان اغير فلاتر زيت وبنزين كمان بلية دينمو وسير كاتينة وسير مرش وطقم بوجيهات وفلتر هوا بس فية ناس بتقولى بلاش تغيرهم دول بتاع بلادها مش حتلاقىزيهمهم هنا والعربية كويسة جدا مفيش فيها مشاكل تقريبا وبتاع المركز بيقول اة هو سير الكاتينة كويس بس انا مش عارف هو عامل كام الف علشان حساب الصيانة بصراحة انا احترت اغير ولا ولا اعمل الفرامل واغير فلاتر فقط ارجوكوا دلونى على الصح انا محتار وكمان مش بفهم فى العربية اوى وشكرا ليكم

[FAR!D]

انا اول واحد يرد ههههههه
ربنا يباركلك فيها اولا
بص موضوع قطعه الغيار بتاعه بلادها ديه في حاله ان لسه ميعاد تغيرها لسه مجاش او عدت ميعادها ولسه حالتها حلوه اوي لكن انت متعرفش حالتهم عامله ايه اصلا ولا صاحبها الاصلي عمل ايه و لا غير ايه فيها فانت خدها عند مركز معتمد معلش حتغرم شويه بس حيقولك ايه اللي يتغير و ايه اللي لسه شويه عليه وحيتغير امتي وابقى ياسيدي غير اللي حيقولك عليه بره يعني اكشف بس واعمل بره عشان متغرمش اوي.....والمفروض وده رأيي انك كنت عملت كده من اول ماجبتها
سيبك انت السؤال ده يهمني انا به ههههههه انت جبتها بكام و منين في بورسعيد؟

[FAR!D]

انا اول واحد يرد ههههههه
ربنا يباركلك فيها اولا
بص موضوع قطعه الغيار بتاعه بلادها ديه في حاله ان لسه ميعاد تغيرها لسه مجاش او عدت ميعادها ولسه حالتها حلوه اوي لكن انت متعرفش حالتهم عامله ايه اصلا ولا صاحبها الاصلي عمل ايه و لا غير ايه فيها فانت خدها عند مركز معتمد معلش حتغرم شويه بس حيقولك ايه اللي يتغير و ايه اللي لسه شويه عليه وحيتغير امتي وابقى ياسيدي غير اللي حيقولك عليه بره يعني اكشف بس واعمل بره عشان متغرمش اوي.....والمفروض وده رأيي انك كنت عملت كده من اول ماجبتها
سيبك انت السؤال ده يهمني انا به ههههههه انت جبتها بكام و منين في بورسعيد؟

[طارق عبد السلام]

المشاركة الأصلية كتبت بواسطة ابوشيماء السلام عليكم اخوانى فى المنتدى العزيز انا عندى اوكتافيا a4 موديل 2003 هى معاقين انا جايبها من سنة تقريبا من بورسعيد كاملة مانوال والحمد لله العر بية طلعت زى الفل وكمان متورها تربوا انا الان ماشى بيها حوالى 15 الف كيلو ومن ساعة ما جبتها كل اللى عملتة فيها هو تغير الزيت والبنزين والحمد الله والحمد الله العربية ماشية تمام الابعض المشاكل يعنى ضعف تيل الفرامل وكمان لمبة ال epc دى منورة عندى فى التابلوة بس عايز اخد راى حضارتكم فى حاجة انا محتار فيها كنت عايز اروح بيها مركز متخخص علشان اغير فلاتر زيت وبنزين كمان بلية دينمو وسير كاتينة وسير مرش وطقم بوجيهات وفلتر هوا بس فية ناس بتقولى بلاش تغيرهم دول بتاع بلادها مش حتلاقىزيهمهم هنا والعربية كويسة جدا مفيش فيها مشاكل تقريبا وبتاع المركز بيقول اة هو سير الكاتينة كويس بس انا مش عارف هو عامل كام الف علشان حساب الصيانة بصراحة انا احترت اغير ولا ولا اعمل الفرامل واغير فلاتر فقط ارجوكوا دلونى على الصح انا محتار وكمان مش بفهم فى العربية اوى وشكرا ليكم

اولا مبروك على العربيه وربنا يعطيك خيرها
ثانيا اللمبه المنوره فى الطابلوه دى لمبه الفرامل وده حساس ورا دواسه الفرامل ثمنه رخيص مش غالى
من ناحيه السيور والفلاتر لاااااااااااااااااااااااا اااااااااااااااازم تغيرهم سيبك من كلام بتاع بلادها ده جلد وله عمر افتراضى والفلاتر لازم هتتوسخ وتنسد ولازم بردوا ومهم جدا جدا تغير البليه وسير الكاتينه بس ايه حكايه سير المارش دى

يمكن تقصد سير الدينامو غير واعمل صيانه محترمه علشان يبقى عندك تاريخ صيانه مظبوط تمشى عليه وعربيتك تفضل فايقه ومتزعلكش

[ابوشيماء]

السلام عليكم اخوانى الكرم اولا انا متشكر جدااا لحضراتك على الاهتمام والرد علية ثانيا بالنسبة لسوال الاخcarzydeepman انا شريها من بورسعيد من سنة من عند تاجر وليسة شركة كرستال من المخزن اللى جنب كرستال على طول هو يمين كرستال اول ما تخش المخزن دة هو اول تاجر وليسة شركة زى كرستال ربك والحق انا اتكلت على الله وحدى من غير مكانيكى بس كان معى العيال بس هههههه ايوة والله زى ما بقولك كدة اخدت لفة فى المنطقة كلها الاستثمار هناك المهم بعد ما تعبت دخلت عند الراجل دة قولتة عايز عربية اوكتافيا بس انا معرفش حاجة فىالعربيات وانا مش معى مكانيكى فقلى خد العربية دى منى وانا اضمنها ليك سنة صدقى دى انضف عربية عندى وباين عليك انت طيب وعلشان خاطر العيال اللى معاك انا اقولك دى مشكلها حاجة واحدة بس هو اللون بتاعها احمر فاتح ومحدش قابل على اللون دة صدقينى دى انضف عربية عندى قولتة خلاص انا خدها واتوكل على الله قولتة عايز كام قلى عايز 62 الف قولتة لا كتير على العربية المهم انا قولتة اقول كلمة وحدة منى العربية ب 55 الف لو موافق قولى قلى لالا تخسر علية واصر انة تخسر المهم قولتة تانى كلمة وهى 57 الف وقولتة والله مش ازود ولا قرش تانى مش عاجبك انا ماشى الراجل واقف وقلى مبروك وكمان اخدت معها جهاز معاقين وقولى الجهاز دة بحوالى 300 جنية اية رايك ياخى كويسة ولا غالية شوية اما بالنسبة للاخ tarek انا اسف اخى نسيت وقولت سير المرش اقصد سير الدينامو كنت عايز ارفع صورة ليها بس مش عايزة تترفع وشكرا ليكم جميعا