اول عربية و السؤال المتكرر دائما (جديد ولا مستعمل)

[mahmoud sharks]

هى اول عربيه بتكون مشكلة ع طول واللى زى حالاتى بيفكرو فى تلت سيناريوهات

الاول

يا ترا اجيب اسبرانزا 516 الشكل الجديد اللى شبة الاوكتافيا ولا اصبر و اكمل دوخه البحث عن بومة 1300 حالتها حلوة واضح انى بتكلم فى سعر 70 الى 75 الف

هتقولو انتا لسه بتتعلم و هتزعل ع خبطه الجديد هقولك مكدة كدة اى خبطه بتزعل ثم دى خبطه فى صينى يا بيه
و انا احتياجى للكار هيكون ع قد مشوار 15 ك كل يوم جوة البلد (ميت غمر العزيزة) ولزوم اللف (بدور ع عروسه كمان) و العربيه هتشتغل معايا اسبوعين ف الشهر وتتركن عشان بسافر شغلى فى البحر الاحمر يعنى استخدامى هيكون ابن ناس ولا محتاج سحب وشد و جرى ولا اى حاجه

الثانى

بس البومه بومه ماشى معاكم بس الاقى حاله نضيفة فين وانا كل مشوف عربيه تطلع مغيرة ربع وعشان كدة بتتباع كفيش واحد ابن حلال يكون محافظ ع العربيه و عايز يجدد فيبيع و بردو المستعمل هيدوخك مع الميكانيكيه ولا دى تعتمد ع الحاله ؟؟؟؟

الثالث

و اخر مرحلة بيعدى بيها واحد جديد سواقة زيى هى انو يقول طب مقسط واجيب عربيه محترمه من الاول (صنى بقا ولا بومه جديدة) ويبدأ يدور فى حوارات التقسيط وبردو مش عارف ياخد قرار

HELP PLZZZZZZZZZZZ

[lolyta]

راي الزيرو زيرو والمستعمل مش مضمون ممكن تدفع الي معاك مقدمة وتشوف حاجة مناسبة
الافيو او اللانوس

[eng/walaaeldeen]

السلام عليكم
هات عربيه مستعمله صغيره تتعلم عليها وبعد ذلك تبيعها وتجيب زيرو براحتك
هات فيرنا او لانوس تتعلم عليها فقطع غيارها رخيصه ومتوفره واعادة بيعها سريع
والله المستعان

[mahmoud sharks]

المشاركة الأصلية كتبت بواسطة lolyta راي الزيرو زيرو والمستعمل مش مضمون ممكن تدفع الي معاك مقدمة وتشوف حاجة مناسبة الافيو او اللانوس

مش مرتاح لشكل الانوس خالص هوه الفيرنا شكلها شغال يعنى بس فى نفس الرينج دة ممكن اجيب ال 516 اسبرانزا و فيها امكانيات اكتر ولا رايكو صينى لا

[lolyta]

المشاركة الأصلية كتبت بواسطة mahmoud sharks مش مرتاح لشكل الانوس خالص هوه الفيرنا شكلها شغال يعنى بس فى نفس الرينج دة ممكن اجيب ال 516 اسبرانزا و فيها امكانيات اكتر ولا رايكو صينى لا

بصراحة انا مش متخيلة اني ادفع مبلغ كدة في عربية صيني مع ان ناس كتير بتشكر فيها
بس رايي لا