استفسار عن جمرك عربيه هتنزل من السعوديه..

[T-2]

سلام عليكم،،

لو سمحت يا رجاله عندي استفسار كده..

عايز اعرف انا لو معايا عربيه انا اول مالك ليها في السعوديه.. تمام

نوع العربيه تويتا كرولا 1600 موديل 2006 او 2007

وعايز انزلها مصر هدفعلها كام جمرك ؟

..

ولو كرولا 1600 بس موديل 2010 او 2011

وعايز انزلها مصر هدفعلها كام جمرك ؟

+

اخر حاجه بقي ،،

لو معايا هيونداي النترا 2013 وعايز انزلها هدفع كام ؟

اتمني ان حد يعرفني اسعار مش نسب يا رجاله الله يخليكم

وشكراً مقدماً

[jojojojojo]

للاسف انت محتاج حد علي علم بالتعريفه الجمركيه للسيارات بص حضرتك ممكن ترسل لجريده الاهرام في قسم بها للاسئله الجمركيه وهما هيجوبك يوم الجمعه في عدد السيارات وانا لو من حضرتك انزل التويوتا اللي هي 2006 او 2007 وهيبقي جمركها مناسب جدا عشان هي من حوالي 6 سنين فهيتم تخفيض جمركها وممكن يبقي ف حدود التلاتينات والعربيه ديه ممتازه وعليها قبول كبير جدا هنا في مصر بس لازم تكون المالك الاول ليها

[T-2]

المشاركة الأصلية كتبت بواسطة jojojojojo للاسف انت محتاج حد علي علم بالتعريفه الجمركيه للسيارات بص حضرتك ممكن ترسل لجريده الاهرام في قسم بها للاسئله الجمركيه وهما هيجوبك يوم الجمعه في عدد السيارات وانا لو من حضرتك انزل التويوتا اللي هي 2006 او 2007 وهيبقي جمركها مناسب جدا عشان هي من حوالي 6 سنين فهيتم تخفيض جمركها وممكن يبقي ف حدود التلاتينات والعربيه ديه ممتازه وعليها قبول كبير جدا هنا في مصر بس لازم تكون المالك الاول ليها

يعني مفيش حد هنا في المنتدي .. يعرف اسعار

طب لو سمحت ازاي اوصل لجريده الاهرام ؟!

[M.TONSY]

طيب قول قيمة الفاتورة كام لكل عربية وانا احسبها لك
وعموما دى النسب حسبتها مش صعبة

اجمالي الجمارك والضرائب (61.00 %) تفصيلها جمارك 40% من قيمة الفاتورة CIF ثم 15% ضريبة مبيعات + نولون الشحن + 1% تأمين (قيم تراكمية وليس جمع)

[M.TONSY]

ملحوظة لحساب قيمة الفاتورة CIF = فيمة العربية بسعر المصنع* سعر الدولار مقابل العملة المحلية للبلد
لذلك فهى متغيرة بتغير سعر الصرف للدولار