استفسار عن عفشه البومه 2013 توكيل دايموند موتورز

[amr_00]

السلام عليكم

كل الانسر البومة ال 1600 الجديدة نازلة بعفشة البومة ال 1300

يعني مساعدين اقل ثباتا و مفيش ميزان خلفي و شغل كفتة اخر حاجة
ده غير ان في كلام ان طنابير ال 1300 غير ال 1600 ! بس لسه هتأكد
يعني مش بس العربية غالية لا ده كمان بيقلل في الحاجات اللي الناس مش بتاخد بالها منها

عفشة ال 1300 غير عفشة ال 1600
المساعديين ارفع و اقل ثباتا
فيه حاجة اسمها ميزان خلفي بيمسك العربية من ورا في المنحنيات و مطبات الهواء مش موجود
المقصات تقريبا مختلفة

من الاخر دي عفشة و دي عفشة تانية خااااالص
.......................
ممكن الرد من الخبراء والناس اللى معاها البومه 2013 1600 .. على الكلام ده
عشان عاوزين نعرف الحقيقه ايه الكلام ده صح ولا غلط وياريت بالصور

ولو حد يعمل مقارنه بالصور ويصور الميزان الخلفى والمساعدين . بين سيارات التوكيل دايموند موتورز وبين توكيل المصريه

[ahmed_eng2001]

متابع

[نبيل عبدالرحمن]

أنا متابع الموضوع لأنى من ملاك البومه 1600 2013 ولكن ما لاحظته أن طقم الصوت فى هذه العربية سيئ جداً وزباله بصراحه وكله صناعة مصريه

[reda310]

متابع.. ....

[amr_00]

المشاركة الأصلية كتبت بواسطة نبيل عبدالرحمن أنا متابع الموضوع لأنى من ملاك البومه 1600 2013 ولكن ما لاحظته أن طقم الصوت فى هذه العربية سيئ جداً وزباله بصراحه وكله صناعة مصريه

السلام عليكم
حضرتك الوحيد اللى تقدر تفدنا فى الموضوع ده .
ممكن حضرتك تبص تحت العربيه وتصورلنا صوره عشان نعرف الميزان الخلفى موجود ولا لاء . عشان يا فندم الميزان ده مهم جدا فى الملفات. وثبات العربيه على السرعات العاليه وانا بعتبره مهم جدا جدا . عشان لو مش موجود عاوزين نعرف التوكيل بيركبو وسعره كام .

ودى صوره لمكان الميزان من عربيه بومه 2008 1600