لسه جايب أوكتافيا A5 و محتاج مساعدتكم ضرورى

[momo_13331]

يا جماعة أنا لسه جايب أوكتافيا a5 2006 كاملة من غير جنوط ولا فتحة سقف عاملة 112 ألف كيلو فابريكة برة و جوه بس يا جماعة العربية فيها كذا مشكلة و عايز مساعدتكم :
1-العربية فيها تنتيشة ع الغيار التالت (هيه أوتوماتيك) بس بتختفى لو كبست بنزين جامد شوية
2-فيه صوت هوا جامد داخل جوة العربية مصدره من الباب اللى ورا يمين بيظهر أوى من أول ال 80 فيما فوق
3-العربية فيها صوت ونة أو نعرة بيظهر أوى مع الغيار الخامس و السادس من 100-120 بالذات عامللى زنة كده فى جسم العربية ده ممكن يكون بلى عجل خشن ولا كبالن داخلية ولا ايه؟؟
قولولى أروح بيها فين أضمن مكان ولا اعمل ايه أفيدونى أفادكم الله

[moratoz]

النتشه محتاج مركز خدمه عاشان كدة العربيه في فتيس ويشوف هل النتشه تتعالج بتغيير الزيت والفلتر الخاص بالفتيس وممكن تبقي محتاج تغسل عقل الفتيس وعلي العموم الزيت الأصلي 1150 جم والفلتر 120 جم

[Muhammad A]

الف مبروك وربنا يعطيك خيرها ويكفيك شرها
وان شاء الله بسيطه

[محمد فيصل]

عليك بزيارة مركز صيانه محترم والكشف على السيارة بجهاز كشف اعطال
إن شاء الله تصل لحل لكل شكواك

[Marlborooo]

مبروووووووووك علي العربية

موضوع الفتيس فعلا لازم تكشف عليه في مركز زي ما الناس قالتلك

سؤال هو صاحبها غير زيت الفتيس قبل كده ولا لا ؟؟

وموضوع الصوت اللي جو العربية ممكن يكون الجد بتاع الباب بص عليه لو حسيت انه ناشف شوية او مشقق
ممكن تحط عليه بدرة تللك