لمستشارين وخبراء ومجربين ...!!! اوكتافيا a4

[ahmedshoura]

السلام عليكم ورحمة الله
وأرجو ان يتسع صدركم لسؤالي ...
انا سيارتي الحالية ابيزا 94 كوبيه والحمد لله مريحاني جدا
وذهبت بورسعيد لاغير سيارتي بعد ما انتهى حظرها
فلم أجد سوى السيارات الكوري (لانوس ونوبيرا وشوما ...)
وطبعاً لم تعجبني أي منها
ثم وجدت السيارة الـ (أوكتافيا a4 1998) بس الماكينة الصغيرة، اللي مافيهاش تكييف
وطبعاً عجبتني جدا ، وكمان ناسبتني مادياً لأنها (على قد فلوسي)

والشئ الذي لا يخفى عليكم ...

واضح طبعاً من موضوعي اني معاق
ولهذا السبب فالسيارة بالنسبة لي (إيدي ورجلي)
يعني لو عاوز اجيب حاجة من (المطبخ) هاروح بالعربية هههههههههه
بالاضافة ان السيارة بتفضل معايه 5 سنين لا استطيع بيعها (وحشة ولا حلوة)
طبعاً انتوا كده فهمتوني ...

والسؤال ؟؟؟

عندما سألت على السيارة ناس تقولي كويسة وناس تقوللي ابعد عنها خالص
فأنا اريد من يفصل في ذلك ...
هل بها مشاكل
وما هي
وكيفية التغلب عليها ان استطعنا
ما هي اسعار صيانتها
هل هي من السيارات التي تعشق الصنايعية
أم ما بتحبهمش زي عربيتي الابيزا حفظها الله
و
و
و
يعني كل تفاصيل السيارة وطرق التغلب على مشاكلها

وآسف جداً على الإطالة
وأرجو أن تكون اجابتكم لله ، ثم على قدر مشكلتي
وجزاكم الله كل الخير

[ahmedshoura]

بالمناسبة
أنا إن شاء الله ناوي اجيب العربية السنة دي مش السنة اللي جايه
ههههههههههههههههههه
أين الردود يا أعضائنا الكرام ...
الموضوع مستعجل
جزاكم الله خيرااااااااا

[msr1192]

توكل على الله العربية جيدة جدا وثابته وفخمة وقطع غيارها موجودة برة التوكيل بس جوه التوكيل فوق النار بشوية
اي عربية حتحافظ عليها وتحترمها مش هتهينك ونصيحة في اي عربية لما تيجي تعمل حاجة اعملها عشان تنساها مش تلصمها عشان تمشي

[dramr40]

سيارة جميله ومحترمه ولن تندم ان شاء الله


فقط الدقة فى اختيار حالة السيارة

[kareemafifi]

اتوكل علي الله انا زيك عندي اعاقة بردو و جبت واحدة موديل 2003 و بسم الله ما شاء الله بس اهتم بيها و ماتهملهاش و حاول تجيب قطع الغيار الاصلي هتفرق معاك ان شاء الله