نوبيرا ولا جولييت ؟؟

[ashwa]

السلام عليكم
اولا هي فين مواضيع الجولييت ؟!! ليه مش باينه كده ولا جوة المنافسه
وانا بصراحه عايز اعرف انهي احسن النوبيرا ولا الجولييت ؟
من حيث الثبات الفخامه ؟ انا اعتقد انه من حيث قطع الغيار واحد
وبستغرب ان نوبيرا 2004 بتعمل 45,000 وجولييت 2003 بتعمل 49,000 رغم ان المبلغ ده يجيب نوبيرا 2006 مثلا ياترا ايه السبب ؟ عشان الجولييت هاتش باك يعني ؟؟؟
مستني ارائكم ونصايحكم الغاليه

[hamed2020]

باشا الاتنين واااااااااااااااحد مفيش فرق ميلي
الا ان دي هاتش باك و دي سيدان
بس مش اكتر انك تشوف انت بتخب انهي شكل و خلاص

[ashwa]

المشاركة الأصلية كتبت بواسطة hamed2020 باشا الاتنين واااااااااااااااحد مفيش فرق ميلي الا ان دي هاتش باك و دي سيدان بس مش اكتر انك تشوف انت بتخب انهي شكل و خلاص

الف شكر ياباشا على اهتمامك وردك
لكن الثتنين واحد ازاي ؟؟ النوبيرا 1600 والجولييت 1500
واعتقد النوبيرا اوسع ... هو يمكن حضرتك تقصد ان الجولييت زي الانوس بالظبط بس الجولييت هاتش

[mhemeda]

النوبيرا 1600 cc اكبر واوسع و احسن من الانوس 1500 انما الجوليت هي هي الانوس بس هاتشباك
انما متلاقيهاش موجوده كتير بس عربيه شيك جدا عشان كده تلاقيها غاليه

[mody112]

فعلا النوبيرا تختلف جذريا عن الجولييت فالموتور للنوبيرا 1600 وعزم 106 حصان انما الجولييت 1500 و 86 حصان ( زى اللانوس السيدان بالظبط فى كل حاجة والاختلاف الوحيد فى الشنطة ) ومن حيث السعر فلان الجولييت قليلة شوية وشكلها شبابية واشيك فتلاقى ان سعرها اغلى حتى من اللانوس . والثبات متهيالى الاتنين واحد لان الهاتش باك بتبقى ثابتة كتير والنوبيرا وزنها يخليها ثابتة ولكن الاوسع النوبيرا فى الصالون والشنطة . فانت شوف الانسب ليك ايه واشتريه . بعد الاستخارة طبعا