المشاركة الأصلية كتبت بواسطة wf-m65
انا ملاحظ انها بدات تنتشر دليل عل انها بدات تتفهم
الحمد لله انا اشتريت وكيل توب لاين اللون فضى الداخل اسود
السعر 142000 ورخصت اخر يوم قبل اجازه العيد كل سنه وانتم طيبين
والعربيه بعد 225 كيلو روووووعه
|
الف مبروك يا باشا و فعلا السول 2012 انتشرت عندنا فى اسكندريه و كويس جدا السعر الى انتا جبتها بيه انا حاولت انزل معرفتش انزل ولا حاجه من عند طارق اسماعيل
وياريت تقولنا ملاحظاتك على العربيه انا كنت كاتب ملاحظاتى فى مكان تانى و هحطها هنا انا جبت اللون الاسود و التابلوه و الداخل اسود فى رصاصى
و المقابض نيكل مش نفس لون العربيه
كان عندى امل بصراحه الاقى اللمبه بتاعت قياس ضغط الهوا فى التابلوه لكنها منورتش معايا ولا مره
ودى اهم الملاحظات على العربيه مع بعض الملاحظات الاضافيه
1- العفشه ناشفه فعلا و ده فى رايي الجنظ ال 18 بيخليك حاسس بيه جدا المشكله مش مشكله عزل ماتور لكنك بتكون سامع صوت الكاوتش الى حد كبير و خصوصا و انتا فاتح الزجاج حتى لو قافله برضه هتسمعه لكن مش بنفس الدرجه لكن الموتور لو الزجاج مغلق العزل جيد الى حد كبير
طبعا كافر الكبوت الداخلى مش موجود زى العربيات الى بتنزل بره و ده فى رايي بياثر كتير على العزل بتاع الموتور
2- استهلاك البنزين قبل ما اوصل اول 1000 كيلو 10 لتر لكل 100 كيلو
3- الباور مش ناعم جدا لكنه كويس جدا مريح و يختلف عن باور الهيونداى النترا تحديدا فى نعومته (لكنه جيد فى راييى)
4- ثبات العربيه كويس الى حد كبير جدا لحد 100 كيلو مجربتش اكتر من كده
5- الفرامل ماشاء الله لو كبست هتقف مكانها فى مسافه بسيطه
6- التسارع و السحب عالى مع الكيك داون و الكبس
7- العربيه عاليه ماشاء الله مع المطبات و بتخليك سايق مستريح وواثق من الطريق الى حد كبير
8- فيه مشكله ان بصراحه الدركسيون رغم انه قابل للظبط مش مخلينى شايف التابلوه كويس ممكن يكون ده عندى انا بس بسبب انى طويل او لانى لسه مظبطتش قعدتى كويس
9- اجمالا العربيه جيده الى حد كبير طبعا التوكيل منزلش الشكل الجديد الفيس ليفت و الله اعلم هيغلى اد ايه اما ينزله
10- العربيه طبعا الى غاويها هيدفع سعرها وهوا مبسوط انما الناس الى بتدور على الكبر و الصغر و دى يابانى و لا صينى ولا كورى ولا اوروبى (رغم ان صالونها رائعه و القعده مريحه جدا ورا و قدام) الشنطه كويسه جدا الى حد كبير طبعا ده فى حدود العائلى البسيط مش الكبير لان العربيه مش 4 * 4
11- اللوك مش بيقفل اووماتيك بعد سرعه 40
12- ملاحظه شخصيه لو التوكيل اهتم باشياء بسيطه هنا فى مصر فى رايي عربيات كتيره ممكن تكون رائعه بحاجات بسيطه جدا لكن هنقول ايه بس يلا ربنا يعين و اى استفسار بخصوص كيا سول 2012 تحت امركم
13 - الزجاج الامامى و الخلفى للركاب ضعيف و سمكه ضعيف يعنى مش هوا الزجاج الى ينفع تفتح و تقفل من العربيه لو كانوا زودوه 2 مللى سماكه مكنش هيفرق كتير معاهم
14- الكاسيت و التكييف جيدين
15- المرايات الجانبيه رائعه بصراحه و افضل من الكارينز و السيراتو