فى حالة أكتشاف تلف طلمبة البنزين
يمكن أستبدال القلب الداخلى للطلمبه ( بيكون موجود داخل الفارغه الفيبر )
أو أستبدال الطلمبه كاملة .....
يتم تصميم طلمبات البنزين بتصميمات هندسيه مختلفه
- طرازات قديمه تعتمد على الأزاحه التردديه الموجبه
وبتسمى الطلمبه فى هذا الحال ( طلمبه موجبه )
- طرازات حديثه ( أكثر شيوعا ) تستخدم توربينه شبيهه بتوربينة التربو تشارجر
لضخ البنزين من أول مأخذ سحب الطلمبه فى صورة قطاع طولى خلال جسم الطلمبه
وهى مركبه رأسيا
كما نرى من شكل الأسهم الموضحه أمام حضراتكم
يسمى هذا النوع من الطلمبات الحديثه
positive displacement pump
وسريان البنزين كما نرى من خلال الأسهم يكون فى أتجاه محورى رأسيا خلال جسم الطلمبه
مما يفيد فى جعل صوت الطلمبه أكثر هدوءا ويفيد سريان البنزين خلال جسم الطلمبه
فى عملية التبريد لموتور الطلمبه وبيفيد أيضا فى عملية التزييت لتسهيل عملية
دوران قلب الطلمبه من الداخل
_________________________ ___________
كيف تعمل طلمبة البنزين
حينما يقوم قائد السياره بأدارة مفتاح الكونتاكت على الوضع on
أى السنه التى قبل أثارة المارش كهربيا
فأن يتم تنبيه وحدة تحكم المحرك بقفل خط الأتصال الأرضى لكتاوت الطلمبه
مما يجعل التيار الكهربى يسير من خلال خط التغذيه الكهربى
بعلبة الفيوزات مارا بكتاوت الطلمبه ثم إلى فيشة أمداد الطلمبه
بالتيار الكهربى الازم لعمل موتور الطلمبه
مع وصول التيار الكهربى لموتور الطلمبه تبدأ عملية الدوران لقلب
الطلمبه وفى نهايته التوربينه المحورى
فتبدأ عملية ضخ البنزين إلى خارج جسم الطلمبه فى أتجاهها إلى
فلتر البنزين الرئيسى المتواجد عادة داخل غرفة المحرك ( أو
حسب مكانه بدايرة البنزين )
يوجد مؤقت ذاتى داخل وحدة التحكم الألكترونى خاص بتنيه وحدة
التحكم عن كيفية التعامل مع الطلمبه
نسيبها شغاله .....ولا نفصل عنها الكهرباء
نفترض السائق جايب الكونتاكت على on ومشغل الكاسيت ومش مشغل محرك السياره
على طول بعد برهه وجيزه
هذا المؤقت بيبلغ وحدة التحكم ويقولها ....المكنه مش شغاله
ومن هنا بيتم فصل الطلمبه كهربيا
طبعا وحدة التحكم بيكون عندها المقدره أيضا من معرفة المكنه شغاله ولا لا
من خلال ورود أشارات كهربيه لها من خلال حساس الكرنك
والله الحساس موداش أشاره
وحدة التحكم حتعرف أن المكنه مش شغاله ومن هنا بيتم فصل
الطلمبه كهربيا أيضا
_______________
يتبع بإذن الله