يا فادى جى يعمل دعاية لنفسة ويحاول يتمص غضب الشعوب العربية والاسلامية ضد امريكا رجل سياسة وخطاب سياسى لتحسين صورة اميركا فى العالم الاسلامى ليس اكثر
مازالت الحرب مستمرة ولا اعتذارات عن ما اقترفتة يد الامريكان فى (الصومال - لبنان - افغانستان - العراق)
الراجل اتكلم عن الهولوكوست اليهودى ووصف منكريه بالجهلة وبيوقلك كانو بيموتو بالملايين اكتر من اللى عايشين فى اسرائيل دلوقتى (يعنى حرام عليكو مش هاين عليكو تسيبو الكام مليون اللى باقيين من المحرقة يعيشولهم يومين) وقال اتحرقو واضربو بالنار واتعادو وضطهدو ونسى ان اللى عمل كل ده فيهم كانت الحضارة الغربية مش المسلمين !!
طب واحنا مالنا ولعتو فيهم ضربتوهم بالنار عايزين تعوضوهم عوضوهم على اراضيكم وفى بلادكم مش تعوضوهم باغتصاب مقداستنا واعراضنا واراضينا فى فلسطين
اتكلم بوضوح واستفاضة عن ماتعرض له اليهود من اضطهاد لكن لما ذكر الفلسطينين ماقلش اكتر من انهم عانو فى من اللجوء وللحصول على دولتهم
يعنى هما الفلسطنين اللى هاجرو من نفسهم مذكرش مدابح فسطينية ولا قنابل عنقودية ليه زى ما ذكر الهولوكوست والتعذيب بالغاز والنار
هو مسيحى اهلا وسهلا ابوه مسلم انعم واكرم لاكن طول ما دعمه لليهود الصهاينة قائم لن نحترمه او نثق فى ما يدعى
جاى يتكلم ليه عن تعليم المراءه واحنا فى بلد الست بتتعلم زيها زى الراجل فى الحضر وفى الريف فيه مشكلة تعليم ومحو امية فى المجتمع كله مش للستات بس
الست تتعلم على عينينا وراسنا وقبل ما يتولد جدود جدوده كان محمد على بيأسس او مدرسة متخصصة للمراءه
لكن باقى الاجندة الامريكية بخصوص سفور المراءه والختان اسفين مش هنقتنع بيها ابداً لان زى ما عايزين امراءه متعلمة ومثقفة عايزينها عفيفة وطاهرة وملتزمة بدينها
ماله هو بحقوق الاقليات والاقباط المصريين
يا سيد اوباما كل المصريين اقباط وقبل قبطيتنا كنا فراعنة والان نحن فراعنة اقباط عرب الانتماء مسلمين ومسيحين العقيدة والدين
حد سمع فى التاريخ كله عن عن اضطهاد شعبى دينى فى مصر
على مر العصور لم تفلح نار الرومان او سيوف المسلمين او مدافع الفرنسين او طلقات الانجليز فى تغيير ديننا او زرع الفتنة الطائفيه
واندونسيا اللى اتكلم عنها واشاد بيها وبالسماحة وكانها النموزج المثالى الاوحد فى التسامح الدينى شهدت واحدة من ابشع المذابح ضد المسلمين واشد المعارك الطائفيه بين الاثنين
ونحن فى مصر لم نصل ابداً لذلك ولن نصل ابداً باذن الله
هل اندونسيا هى القدوه للمجتمع الاسلامى الان
هل الاندلس التى تنصرت بمحاكم التفتيش واندونيسيا التى انتشر بها الفجور والبغاء حتى الشوارع والميادين ولم يعد يلبس الحجاب الا وقت الصلاة هى النمازج التى جاء اوباما يبشر بها العلم الاسلامى من قلبة فى القاهرة ومن رمزة فى الازهر !!
هل يريد ان نصبح اندلس ثانية او اندونيسيا او فلسطين اوالعراق او افغانستان !!
وبتكلم عن تطوير ومشروعات واكيد من عينة المعونة الامريكية المشروطة وامتصاص ثروات الشعوب زى ما بيحصل دلوقتى فى افغانستان والعراق
فين الهبل ده من افغانستان اللى مبهدلاها الحرب هنقول اصلهم عايشين فى الجبل اساسا ومواردهم قليلة وده مش صحيح وطول عمرهم بيحاربو بعض اساسا بس لو سلمنا جدلاً بالكلام ده طيب فين العراق بعد ست سنين احتلال وبعد ما كانت عاصمة الحضارة الاسلامية قديماً ورمز العزة والعلم والثقافة والقوه حديثا وهى الان تعانى من الارهاب والفساد والبطالة والعمالة والخونة والعصابات وووو
هل اصبحت العراق جنة الديمواقراطية ؟
هل تقدمت العراق للافضل ذراعاً او حتى شبراً ؟
كل يوم من سىء الى اسواء والتهجير قائم والفتنة ذرعت والموساد يعمل لضم غرب الفرات لحدود 67 لتكمل بشرق النيل
الكلام يطور فى كل بند من بنود خطبتة بس الواحد وراه اشغال كتير ولو هنقعد نرد على كل حاجة هنسيب الهم اللى احنا فيه ونتلهى بكلام لا هيودى ولا هيجيب
شرفت يا مستر اوباما وتوصل بالسلامة