المشاركة الأصلية كتبت بواسطة nor1967
السلام عليكم ورحمة الله وبركاته أعضاء رابطة بروتون الكرام أنا أنور الخولىأتشرف بالانتساب للرابطة المحترمة ولكن عندى مشكلة فى البروتون ويرا 99 أرجو ممن لديه الخبرة ألا يبخل عليا بالحل أو النصيحة
المشكلة هى الدخان الأسود الكثيف المنبعث من الشكمان واستهلاك وقود غير عادى وكل ميكانيكى ىقولى حاجة مختلفة واحد يقولى حساس شكمان واخر يقولحساس السدر وواحد يقولى وش الاسبراتير وواحد يقولى الرشاشات 000000000000000الخ انا منتظر ردود الاخوة الأفاضلل لأنى استهلكت تماما ولكم جزيل الشكر
|
لو الدخان ده مقلق جداً بالنسبة لك - يبقي عليك وعلي مركز الامل لصيانة السيارات
ده في اخر جسر السويس.
الناس هناك كويسين اوي وصاحب المركز ده اصلا مهندس ميكانيكا وهو راجل محترم اوي - انا كان معايا ابيزا 1994 وكانت بتطلع دخان اسود من الشكمان وبتاكل بنزين - واحد وصفهولي رحت المركز ده والمهندس قابلني وشرحلي ايه اللي فالعربية بالظبط وقالي احنا هنكشف عليها الاول ع جهاز الكمبيوتر وكشفوا عليها وفكوا الكربيراتير ( هاف انجكشن ) ونظفوا حاجة كدة اسمها مجموعة حرق الوقود وركبوها وجربوا لقوا ان في نسبة كربون برضه موجودة راحوا مطلعين حساس الشكمان وقالي انه عايز يتغير بس انا هنضفهولك كويس واظبطوا علي قدر المستطاع لانة غالي ب 450 ج استيراد من الحرفيين - بس خدت بعدها العربية الحمد لله بقت كويسة وزي الفل - بس خلي بالك انك لازم تروح من الساعة 7 او 8 الصبح لانة بيستقبل العربيات تقريباً من 8 الي 9 صباحا بس اي حد بيجي تاني مش بياخدوه لان اي عربية بتاخد رقم زيه زي التوكيل وبيديلك الفاتورة وعليها ضمان 6 شهور تقريباً
لو عرفت تجيب رقم تليفونهم ابقي اتصل بيهم قبليها واعرف النظام
الموضوع بتاعي اتكلف 150 ج
ان شاء الله موفق وماتقلقش.