المشاركة الأصلية كتبت بواسطة حبيب الناس
128 وماتور 1100 سي سي مينفعش خالص الناس كلها بتقول يركب فعلان يركب لكن العربيه مش هتشغل حلو وتلاقي نفسك بتلف وتدور حولين نفسك وتقول يا خسارة فلوسي يا ريت مركبت تكييف لكن لو عاوز الصح
هتغير الماتور 1100 سي سي وتبيعه وتجيب ماتور 1300 سي سي تقريبا بيقولو لانشا بيركب مكانه من غير اي تقويات ولا تغيير في قواعد الماتور
ولو عاوز الافضل يبقي ماتور الريجاتا 1500 سي سي يبقي افضل وافضل
نيجي بقي نوضح نقطه صغيره ليه الماروتي 800 سي سي ويركبلها تكييف وال128 1100 واربعه سلندر مش 3 ومركبلهاش نفس التكييف
اقولك وزن الماروتي اقل بكتير من وزن ال128 وعزم الماتور بيكون كبير فالماتور اللي هيجر 650 كيلو غير الماتور اللي هيجر 1400 كيلو لان 128 وزنها اكبر بكتير من الماروتي ففرق عزم الماتور بيروح في جر فرق الوزن بتاع العربيه وهيا فاضيه لزلك بتاع التكييف المحترم يطلب منك تركب ماتور اعلي
اما بالنسبه لشركه التكييف اللي بتعامل معاها اسمها
ساندن لتكييف هواء السيارات
ده في المعادي الجديده 63 سارع النصر
دور في دليل التليفونات علي النت هيجيبلك ارقامهم والراجل صاحب المكان اسمه المهندس سمير 0100009751 قوله انا من طرف اياد بتاع الماروتي الدهبي واسئله وشوف رده ايه بجد الراجل ده محترم جدا وعن تجربه اعضاء كتر في الموضوع ده اسئله بس السؤال مش هيخسرك كتير
وده رئيي بأمانه وعن تجربه
ولما تركب التكييف ادعيلي
هوا في الاول مركبش غير التكييف فقط
ومره كن رايح له اشرب معاه الشاي ويظبطلي شويه حاجات كده قالي فيه مكنه اسمها فاكيوم ده بتعلي العربيه لما يخشلها كهرباء ممكن نركبهالك مع التكييف اول ما التكييف يشتغل العربيه تعلي ولما يبطل العربيه توطي للطبيعي بصراحه الفكره عجبتني لاني كنت بعمل الموضوع ده برجلي بالبنزين وانا واقف في اشاره وكمان بتخلي لفات الماتور تزييد فشحن الدينمو يزيد فيكيفي التكيف والنور والكاسيت فكان الباطاريه بتشحن كويس لكن لاحظت في الايام الحر الشديده اللي فوق 40 ان العربيه بتسخن جامد وتعدي النص وبتقرب من الشرطه قبل الاخيرة فكنت بخاف وابطل التكييف ومره فكيت الفاكيوم وجربت لقيت العربيه مش بتسخن ورجعت ريمه لعادتها القديمه وبقيت ازود بنزين برجلي
ولما ايام الحر مشيت رجعت السلكه تاني
بالنسبه لسخونه العربيه مفيش فرق والتكييف شغال ولا لا بالعكس لما التكييف بيشتعل العربيه بتبرد أكتر لان المروحه بتكون شغاله اكتر فالعربيه مبتلحقش تسخن
لكن بصراحه في ايام الحر الشديد وفي الظهر من 11 الي 3 العربيه بتولع ولما بتكون كمان ماكينه الفاكيوم شغاله فبريح دماغي وبفصلها علشان تهدي من الماتور فبالتالي ميسخنش اكتر لكن من بعد العصر مفيش اي سخونيه تزكر
وانا اسف علي الاطاله في الرد لكن انا حبيت انقل تجربتي بالتفصيل علشان الكل يستفيد ومحدش يدوخ زي ما انا دوخت ولفين لاني بجد تعبت لحد ما فهمت الحاجات ده
وكل سنه وانتم طيبيين بمناسه شهر رمضان الكريم
|
السلام عليكم بصراحة انا عندى الكباس (كومبريسور) تعبان وحبيت اركب واحد جديد
دخلت على النت وعجبنى المنتدى ده وفعلا فى معومات قيمة جدا
وقرأت الموضوع كلة وفهمت ان الكباس (كومبريسور) ساندن ياباني افضل كباس
وانا معاية ماذدا 323 موديل 82 حمراء 1500cc
وفعلا ذهبت الى شركة ساندن لتكييف هواء السيارات
صاحبها المهندس سمير فعلا راجل محترم جدا ووادود والى عاوز تفهمة يشرحهولك ببساطة
المهم اخذت القرار بعد بحث دقيق وركبت الكمومبريسور وكمان مروحة قوية للكوندنسر امام الردياتير
لان المروحة بتفرق كتير فى درجة حراره السيارة متسخنش منك وقررت انى معلقش على الموضوع علطول قبل ما يمر اسبوعين على الاقل على التجربة وفعلا رجعتلة مرة واحد لان الاكسبشن كان محتاج يظبط وهو البخاخ المسئول عن تحويل الفريون من السخن الى البارد وطبعا بدون تكاليف اضافية
والحمد لله كلة شغال تمام وفعلا الى محتاج يركب تكييف ميترددش لانهم ناس فهمين ومبيتفزلكوش
ودى صورة الاكسبشن وفكرة عملة