المشاركة الأصلية كتبت بواسطة MAWRO72
انا شاكر جدا لكل الأخوة اللى ردوا عليا كمان اسف جدا للتأخير فى التواصل طبعا بعد كل الإجراءات اللى عملناها فى العربية تلاحظ مشكله اخرى فى العربية العربية بتقطع بشكل خفيف ولما تقرص عليها فى البنزين بتتعدل كمان لما العربية بتاخد مطب بتبرجل برجله بسيطه ولما بتاخد مطب تانى بتتعدل المهم رحت بيها مشوار اسكندرية العربية ساعات بتبقى مكتومه على 120 وساعات بتبقى مكتومه على 140 وفى المطالع العربية تحس انها مخنوقه المهم طبعا كل الفنيين والزملاء أجمعوا على ان دى رشاشات اما انها بتكون بتسيل او مكتومه المهم الحمدلله رجعت من اسكندرية امبارع والملاحظ ان العربية كل ما بتمشى كتير بتتظبط اكتر قلت اروح عند مركز متخصص عنده الجهاز اللى بيكشف بيه على الرشاشات لقيت النهارده الأحد ومعظم الناس قافله ياريت لو حد يعرف مركز عنده الجهاز ده ياريت يقولى وجزاكم الله خيرا
|
أنا حاسس إن زى ما يكون فى إنسداد ولهذا يجب مراجعة من اول التنك وحتى المحرك وعملية الإحتراق
1- طرمبة البنزين
2- رشاشات
3- حساس من الحساسات بيدى قيم بتخلى الكنترول يعطى أوامر مغلوطة فكمية الحرق والخلط داخل المحرك مش مضبوطة...
والله اعلم. بجد ياريت توافينا بأخر الاخبار لان موضوعك دة مهم لكثيرين وربنا يعترك فى السبب