[aga63]

القانون الجديد عباره عن جبايه جديده من إختراع الحكومه.
- لم يتكلم القانون عن الزجاج الفيميه كما قال الأخ كاتب الموضوع.
- لم يتكلم القانون عن تحديد سعر بنديرة التاكسى (والحكومه طنشت أساسا مع العلم أن الحكومة فى وقت الإعداد لتاكسى العاصمة أكدت على العمل على وضع بنديرة للتاكسى العادى فى غضون ستة أشهر - بس ماحددتش تبدأ من أمتى).
- يوجد بند أعتقد إننى قرأته ولكن غير مذكور هنا بوجود غرامه أو حبس على كل من يغير أو يضيف فى اللوحات المعدنية (أو أى كانت) وظيفته أو أى شكل أخر مع إضافة كلمة (بدون وجه حق) بمعنى أنهم سمحوا ضمنيا لأعضاء الشرطة والنيابة والجيش ومجلس لشعب بوضع البادجات واللى يفرس وجود البادج الخاص بالنيابه والقضاء وعليه كلمة (العدل أساس الحكم) أين هذ العدل وأنت بتطلع لن لسانك ماإحنا عارفين أن كل مخالفاتك بتتشال ولكن كده إنت بتقول لنا أهو وإذا كان عاجبكم وأمشو من قدامى ياكلاب بدل ما أبهدلكم لأن معايا حصانه إو إنت مش عرف أنا مين (إلخ).
- القانون السابق كان كافى بدل حكاية عمر المركبات (لو تم تطبيق موضوع الفحص الفنى والعادم وتركيب الكاتلست - محفز العادم - ) زى اول ما تم عمل التعديل الخاص بهم فى القانون السابق ولكن كده بس الفيزيتا بتاعة رجال المرور ح تزيد.
- لم يوضح القانون أو أى حد على أى أساس يتم عمل الفحص الفنى للمركبات. أوأسس الأمن والمتانه (حيث أن لى تجربة مرة على الطريق مع مساعد مرور وكان عاوز قرشين طلب تشغيل كل مافى العربية وإتغاظ جدا لما وجد أن كل إشاراتى والأجهزه الخاصة بالتنبيه سليمة فقال ح أسحب الرخص لأن لون العربية (مكلح شويه من الشمس). والعربيات التاكسى القديمة اللى بيمشى بالكاوتش الممسوح خالص ده مش أمن ومتانه برضوا؟ أو العربيت اللى كل أنواره مطفيه ومشى بالليل؟ والعربيات اللى بتحط صدادات حديد علشان يخبط بيها براحته ده مش أمن ومتانه؟ ولما تنزل وتلاقى عربيتك مخبوطه وللى خبطها مشى من غير مايقول لك حتى نا أسف!
- لم يتطرق القانون لموضوع الحوادث (كفانا الله وإيكم شرورها) والمتسبب فيها ولاطرق التعامل فيها وماذا يفعل الشخص لضمان حقه (وكلنا نعرف دلوقت إنه يوجد ناس معاهم شومه لو لمست عربيته بينزل ويكسر لك حاجه ويقول لك خالصين ياباشا) ده لو ماعملش حاجه تانيه...
-بالنسبة للمحال التى تضع طوب وقصارى زرع وخلافه لحجز مكان فقد وضع عقوبه. طيب ومحلات نص البلد وشارع عبد العزيز واالشوارع الجانبية المحيطة اللى بتحط أجهزتها خارج المحل لنص الشارع نعمل معاهم إيه؟؟؟ وأتحدى أن يتم تطبيق القانون عليهم.
بالنسبة لسيارات السرفيس وخلافه أتحدى أيضا تطبيق معظم الموجود فى القانون عليهم وإحنا عارفين إنهم لو ماكنوش بتوع ظباط فبيكونوا مسنودين أو بيدفعوا رشاوى.
بالنسبة لموضوع حقيبة الإسعافات الأوليه خدوا بالكوا إن ده ح يكون من أهم أسباب المخالفات أو الفيزيتا الجديده (مع أنى معاه أن ده لازم ومهم جدا فى كل عربية).
بالمناسبه ياترى عرفتوا أو قرأتوا عن موضوع الكمبيوتر وماكينة الفيزا اللى ح تكون مع الضباط ولو دفعت فى أول 3 أيام (او فورى مع الظابط ح تدفع نص الحد الأدنى) اما لو دفعت فى أول أسبوع (من 3 إلى 7 يام) ح تدفع الحد الأدنى أم بقى لو دفعت بعد الأسبوع ح تدفع الحد الأقصى!!! طيب ممكن أدفع مخالفه وأخد واحده تانيه مجانا؟؟؟ ويترى ماكينة الفيزا مش ح تقول أصل السيستم واقع أو أى حاجه من المشاكل دى أو مش ح تسحب منى الفلوس مرتين (وده بيحصل فى االفيزا أو ماتسمعش)!!! وبدين لما نضيع وقت الناس علشن تجرى وتدفع المخلفة بدرى (وربنا يسترها علين جميعا) ونرجع نقول إن الناس مابتشتغلش غير 27 دقيقه.
مع ملاحظة ننى كنت بالخارج فى بلدين مختلفين ولم أجد قوانين تحدد عمر المركبه وفيهما مركبات قديمة جدا ولكن هناك تشديد فى الفحص (وده حق المرور والناس كلهم). ومره حطيت شوية ورق على عربية إتقال لى شيلهم بدل مايقاضيك (مش هنا الناس بتتنطط على العربيات ولو إتكلمت تلاقى نفسك ح تنضرب).
أنا عندى ملاحظات أكتر من كده كتيييييييييير ولكن كفاية كده زمانكم صدعتوا منى.

وأخيرا وليس أخرا مش ح أقول غير "حسبى الله ونعم الوكيل".

angryhead