[محمد اشرف]

السلام عليكم ورحمة الله وبركاته

الحمدلله بعد بحث وفحص شديد عن السياره برليانس v5 من اول ما نزلت

قررنا اننا نغير لها واظن ناس كتير فى المنتدى عارفين اننا كان معانا فولكس سوران 2009 واخى العضو يحيي اشرف كان عامل تقرير عنها وده الرابط بتاعه
فولكس فاجن سوران 2009 تقرير كامل و بالصور من انتاجى الشخصى حصرى على مصر موتورز - مصر موتورز مجتمع السيارات

المهم يعنى احنا بمعنى اصح هننزل من المانى الى صينى ودى الكلمه الى خليتنا مترددين الفتره دى كلها نجيبها ولا لا بس احنا ركبناها كتير وناس كتير اشترتها وبتقول انها سياره ممتازه وفى مره مسئول المبيعات لما كنا بنتفرج كان أعد يحلف ان فيه واحد باع الجيتا الى كانت معاه واشترى واحده المهم بعد فحص شديد اخيرا قررنا اننا نشتريها وقررنا نفس لون سيارتنا الفولكس وهو الاسود والراجل كلمنا اليوم وقلنا ان اللون وصل لان الدفعه الجديده الى لسه جيه من المينا مفهاش غير واحده بس سوداء ومعلومه احنا هنشتريها من الموزع بتعها الاصلى وهو رمسيس وموديل 2015 الجديده زياده فيها الزجاج الفاميه وشالوا منها وحده الرفع وسعرها ارتفع الى 158000 بس فيه ناس نعرفهم معاهم الميتشوبيشى باجيرو ومرسيدى b200 الجديده وهيونداى ix35 الشكل الجديد كلهم ركبوها وقالوا تستاهل اكتر من كده وكفايه انها عربيه صينى وسمك الصاج بتاعها 5.5 مليمتر عكس الهيونداى ix35 الى هى 3.2 تقريبا من الاخر السياره تحفه وان شاء الله هنروح نشوفها لما نرجع اسكندريه يوم الاربعاء او الخميس ان شاء الله وهعمل تقرير عند الاستلام والصيانات الدوريه ان شاء الله وادعولنا الموضوع يتم على خير والسياره الى هنستلمها لا تكون بها عيوب ونسيت اقولكم اننا هنسبها للتوكيل حوالى 3 ايام عشان هيركبولها الشاشه الاصليه ليها الgbs فيها اوشنز كتير مثل البلوتوث وجهاز الملاحه والخ... هشرحهالكم فى التقرير بتاع الاستلام وهنركب ايضا وحدة رفع للزجاج عند الغلق لانهم للاسف شالوها من 2015

بس للى معاه العربيه بس عايز اسئله اسئله ضروريه
ايه الى هستلمه مع استلام السياره ؟
هل ظهر معاك عيوب حتى الان على السياره عشان نقدر نشوفها عند الفحص؟

اكثر حاجه مضيقانى حتى الان اننا هنبيع الفولكس سوران الى معانا من شهر 3 2010 يعنى عشره اكثر من 4 سنين والايام الى جيه هتكون اخر ايام اشوفها للاسف لان فى واحد هيشتريها فى خلال الايام القادمه دى

على العموم اانتظرونى عندما ارجع الى الاسكندريه ونروح الى رمسيس الى هنشترى منه وهنشوف هنستلم امتى والنظام ده

والسلام عليكم ورحمة الله وبركاته