رد: جين بى H1 ,H2 العملاق الصينى عائد للمنافسة بقوة السيارة رقم1 فى مصر
السلام عليكم
فرصه هايله الحقيقه ... كنت عايز أستفسر من سعادتك عن كام حاجه كده متعلقه كلها بالميكروباص الصينى تقليد التويوتا وإللى إنتشر بكثافه فى مصر كلها لسعره المنافس ومشكور مقدما للتوضيح ...
أولا بنشوف جين بى وبنشوف العربيه إللى منزلها القصراوى جولدن دراجون تقريبا وغيرهم . والسؤال هنا هو فيه فرق مابينهم ولا كلهم زى بعض وإيه هى الفروق دى لو فى فروق لإنى ركبتهم كلهم تقريبا وبلاحظ إن كلهم زى بعض وبلاحظ كمان فرق رهيب بينهم وبين التويوتا الأصليه بالطبع على مستوى خامات الطبلوه والفرش والتقفيل عموما وحتى على مستوى الموتور وصوته ؟؟؟
وثانيا بمناسبة الموتور لما سألت سواق مره بالخصوص ده قالى إنها نازله بمواتير من إيسوزو وفى واحد تانى قالى لأ دى فيها موتور التويوتا الأصلى فبرجاء التوضيح .
وثالثا بخصوص الجين بى ال إتش تو وإللى هى تقريبا النسخه الأكبر ذات السقف العالى ملاحظ إنها مش منتشره بنفس نسبة إنتشار ال إتش وان العاديه مع إنها عربيه تحفه وخاصة النسخه ال vip منها ذات السبع أو التسع مقاعد فقط فهل ده يا ترى يرجع لإرتفاع سعرها ولا يا ترى يكون بسبب تخوف الناس منها على إعتبار إن الأصليه منها إللى هى التويوتا الناس بتقلق منها لصعوبة الصيانه وإرتفاع أسعارها فيبقى من باب أولى إنهم يخافوا أكتر من نسختها الصينيه ولا إيه مش عارف ؟؟؟
رابعا لو تعرض لنا سيادتك حتى أسعار موديلاتها التقريبيه أكون ممنون جدا
وأنا اسف على الإطاله بس كنت عايز أفهم من شخص يكون مصدر ثقه ومتخصص
وكل التمنيات بالتوفيق فى النهايه .
__________________
|