رد: JAC B 15
انا اتفرجت علي العربيه في فرع النزهه و المندوب الحمدلله كان رايق و متعاون قوي و فعلا العربيه عجبتني جدا جدا شكلا و مضمونا
الصالون حلو قوي و واسع جدا و اعتقد دي من اوسع العربيات السيدان الصغيره اللي ركبتها و الخامات حلوه جدا و التابلوه منتهي الشياكه و شكل العربيه ماشاء الله احلي من كل الصيني المطروح حاليا
و حتي الحجز بالف جنيه بس يعني مفيش شبهة نصب مش زي ابو الفتوح اللي بتحجز عنده ب 30000 الف و الفلوس تتركن عنده شهرين
بس المشكله الوحيده فعلا هي التوكيل ده اللي محدش يعرف اداؤه هيبقي عامل ازاي هل هيستمر و يجيب عربيات تانيه و يكبر مراكز الخدمه و لا هيجيب شحنه و لا اتنين و شكرا علي كده؟
اسم مجموعة هورس في مصر مش صغير لانها 12 شركه مختلفه بس برضه انا خايف من التوكيل ده بصراحه و استيراده لقطع الغيار لانه لاقدر الله لو تعطلت حاجه صغيره في العربيه هندوخ شهرين لحد ما نجيبها
ايه رايكم نتوكل علي الله و نستخير و نحجز و لا نستني كام شهر لما تنزل و تجري شويه في الشارع و اعتقد لو اثبتت نفسها مع دعايه ليها من الوكيل اكيد هتنتشر و تغلي ؟؟؟؟
|