ربنا يبارك فيكوا يا جماعه والله
احلي حاجه هنا الناس اللي بتقف جمب بعض واكنها فعلا في المشكله
احب اطمنكوا
مبدئيا روحت التوكيل من غير محجز نزلت 8 ونص وصلت 8 بالظبط كنت اول عربية تدخل
وكالعاده البشمهندسه هبه استلمت مني العربيه
وفهمتها ان في كذا مشكله بس كنت سايبهم لل 5000
بس اللي جابني كذا كذا وحكتلها الوضع
سمعت الموتور وقالتلي خلاص بطل
قولتلها نكملوا بقيت امشاكل ولا اسيبهم لل 5000 قالتلي لا بالمره
قولتلها عالشبكه المطوسه وقولتلها علي زرار تعلية النور جمب واحد شغال والتاني لا
وقولت استغلها بالمره وقولتلها تزييق في العفشه وثفاره في الفرامل رغم اني كنت بسمعهم كل فين وفين بس قولت يتشكوا عليها بقي وخلاص :D
وده امر الشغل
قولتلها وقت اد ايه قالتلي حوالي من ساعتين لتلاته
بعد ساعه جت نادتني من الاستراحه
وروحنا بصيت عالعربيه وهي مرفوعه وبدات تشرحلي الوضع
كل المشكله ان انا مركب حلية شاكمان وكانت بارزة عن الاكصدام حوالي 5 سنتي
وفي الغالب وانا بركن في موقف جليم الحلية اتصدرت في الرصيف ورحلت الشكمان كله باتجاه الموتور وبالتالي رحلت الفرن وده اللي كان بيخلي الشكمان يخبط في الحديد من تحت جسم العربيه
المصيبه بقي واللي استغربت منه جدا انهم معندهمش حد يصلح شكمانات ولا يستعدله وقالتلي حتصلحه بره وهو حيسخن عالشكمان ويشده ولو في حاجه في الفرن حيظبطها لان انا لو قولتلك حنشتغل فيها حقولك نغير فرن علي حسابك ودي حاجه ضايقتني جدا صراحه اللي اعرفه ان التوكيل يبقي من الابره للصاروخ
المهم اتكلمنا ان ده يطلع من الضمان ولا لا وخلص الموضوع وقولتلها طب حنشتغل في الباقي قالتلي اه طبعا وسيبتهم يكملوا
وبعد ساعه جت وجابت معاها اقرار مضيت عليه اني اغير نيكل الشبكه في الضمان 
ونص ساعه كمان ولقيت العربيه دخلت عالغسيل وجت عطيتني تصريح خروج وشهادة جوده
الحق يقال العربيه كانت متهدله من الشتا وطينه رجعت اكنها زيرو
تاني حاجه زرار النور اتظبط
تالت حاجه الفرامل بقت عالشعععره لدرجة اني مش متعود عليها نهائي وظبطوا رجلاش الهاند بريك والشبكه النيكل بقت مرايه ماشاء الله
طلعت علي بتاع الشكمانات وهو حد فاهم ماشاء الله جدا
دخل العربيه عالبيت وقالي عملت ايه في التوكيل وحكيتله ونزلت تحت العربيه كل اللي هو عمله انه مسك الشكمان من غير تسخين ولا اي حاجه وشده جامد ناحية الشنطه كده كذا مره لحد متعدل وقالي دور وسبحان الله الصوت منع تماما والسحب رجع زي مكان
بجد ربنا كرييم جدااااا
الحمد لله انها جت علي اد كده
بس ازاي في التوكيل محاولوش حتي يعدلوه ويجربوا
فعلا كل واحد وصنعته
المهم اليوم ده كله طلعت خسران 20 جنيه اللي هي تعتبر ولا حاجه بالنسبه للي حصل
نيكل جديد وتصليع زرار نور وتصليح فرامل ورجلاش هاند وتشحيم عفشه وتصليح شكمان =20 جنيه )
ربنا يباركلي في لوجي يارب وفي التوكيل المحترم
