انا عربيتى رينو كليو 2004 1200 سى سى
انا اشتريتها النهاردة حالة المكنة 76 % العربية فبريكة بره و جوه بس محتاجة شوية حاجات علشان تبقى جديدة ارجو المساعدة فى اسعار القطع التالى زكرها و اماكن شرائها و حبقى مشكور جدا و حد يدلنى على ميكانيكى او مركز صيانة محترم ومش غالى انا ساكن فى الهرم طالبية جيزة
اولا قواعد ماتور سألت عليها فى مدحت ووديع كان بى 200 جنيه تركى
ثانيا بلى عجل امامى كانت بى 60 جنيه اسبانى
ثالثا طنابير امامية كانت بى 200 جنيه فرنسى
رابعا جوان غطاء التكيهات ملقتهاش عندو ارجو المساعدة
خامسا اولسيه الكرنك ملقتهاش بردو ارجو المساعدة
سادسا السيه الكامة ملقتوش بردو ارجو المساعدة
سابعا شداد الفتيس لقيته عندو المونيوم بى 75 جنيه
ثامنا قواعد فتيس لما سالته قلى معرفش ايه قواعد فتيس دى فكها و هاتها
تاسعا جوان الكربرتير نسيت اساله
الحاجات دى كلها مفهاش اى حاجة شغالة بس زيادة امان الالسيهات بس بتسرب زيت على المكنة فا انا خايف على المتور
ان امكن معلش انا رخم شوية و بتقل ارجو وضع ارقام تليفونات المحلات