رد: الكشف عن العربيه بالكمبيوتر
كشف الكمبيوتر على السياره
بيتوقف على الأنظمه الموجوده فى السياره وموجوده تحت سيطرة وحدات التحكم ( الكمبيوترات يعنى )
ولنفترض أننا حنتكلم فقط عن التحكم فى آداء محرك السياره فقط
من خلال وحدة التحكم فى آداء المحرك نفسه
وحنفترض أن لمبة بيان الأعطال نورت عندك لأى سبب من الأسباب
طبعا أضاءة لمبة بيان الأعطال
بتقولك بالبدى كده ...........فيه عطل معين فى دايرة التحكم بمحرك السياره
- أنت بأه المفروض تشوف العطل ده سببه أيه وتتعامل معاه
ده بيتم بأه من خلال برنامج أسكان معين ( أسكانر )
بيقوم بمسح ذاكرة وحدة تحكم المحرك بتاعك
على أساس بيتم توصيل كابل نقل المعلومات من داخل ذاكرة وحدة التحكم الى شاشة جهاز الأسكانر
على شاشة جهاز الأسكانر بيطلع أكواد الأعطال المعبره عن أخفاق فى عملية التحكم
فى الحاله دى الفنى المتخصص بيقارن رقم الكود اللى طلع على جهاز الأسكانر
بجداول الأعطال اللى فيها كل الأكواد
من هنا بأه بيبدأ التعامل مع العطل لأزالته
لأرجاع عملية التحكم الى وضعها الطبيعى ( بالبلدى برضه ....علشان نطفى لمبة الأعطال )
|