رد: كيف توقف سيارتك إذا تعطلت المكابح
روح البنى آدم مننا اغلى من الدنيا كلها
ساعة ما تهرب فرامل العربية
قدامك اختيارين
الاول
المناورة
ناور بالعربية زى بالضبط العاب الكمبيوتر علشان دى الوسيلة الوحيدة
الى هتخليك تتفادى الوش فى الوش
وتستهلك الطاقة اللى باقية فى حركة العربية لغاية ما توقف
لقيت نفسك اتزنقت وما فيش مساحة للمناورة
يبقى تستخدم مخك بحرص
وفى داهية العربية اهم شىء انت
تخش على أقرب حائط او جدار او امتداد رملى
وتخلى الجنب البعيد يخش بزاوية شبه مستقيمة لغاية ما تلصق طرف عربيتك بطرق الجدار او الرصيف او الرمال اللى على جانب الطريق
ولما تحس بالعربية هدت شويه تعمل تماس كامل للطرفين
وفى داهية الجنب كله بس انت تطلع سليم
القصة دى حصلت
بس اللى عملها كان واحد بجد انا شايفه محترف
دخل فى سور مزرعة بط وحط جنب العربية كله مع السور لغاية ما العربية وقفت
طلع سليم
والجنب باظ كله
بس اهم شىء
انت
وربنا يستر
وفيه سواقين بيستخدموا الغيار العكسى
بيدى العربية غيار غلط ويرجع يدى غيار غلط لغاية ما العربية تكلبش وتهدى
وانت ونصيبك
ياربنا يوفقك
يا اما تنزل ضيف على دكتور عظام
يارب استرها علينا وعلى الجميع
تحياتى للجميع
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم
|